Tura, Jymmang 12 : Ka sor Mendipathar kaba don ha North Garo Hills, kala shah syllad ha ka ‘eriong kaba jur bha ha ka sngi Balang, kaba wanrah ia ka jingjulor kaba jur hapoh ka dong ka thain.
Kane ka eriong kala wan ha ryngkat u slap uba la ther tyngeh haduh ba ki dieng kila khyllem bad ban lut ia ki sainar bording elektrik. Namar kane, kiba bun ki shnong ka thain kila hap ban shong dum khlem ka bording.
Kat kum ka khubor, kan shimpor kumba 2-3 sngi ia ka tnad MeECL ban lah pynioh bording biang sha kine ki shnong bad ka jingshimpor ka dei namar ba bun ki sainar kila dkut na ka jingkhyllem ki dieng.
Watla kam shym la don satia kano kano ka jingjia ba sngewsih ia ki briew, hynrei ka jingpynjulor jong kane ka ‘eriong ka long kaba la ishyrkhei bha ha kiba bun ki bynta jong ka Mendipathar.
Ki bor District kila bunkam mynta ban pynkhuid ia ki dieng kiba khyllem ha kiba bun ki jaka. La antad ruh ba ki dang don bun ki shnong kiba shah ktah na kane ka ‘eriong.
