Shillong, Risaw 23: Ka jylla Meghalaya kala shah pynrem ha ka Jammu & Kashmir da 8 wiket ha ka Syed Mushtaq Ali Trophy T20 kaba la long hynne ka sngi Nyngkong ha Jaipur.
Ka Meghalaya kala leit ban tied nyngkong bad kamai 107 bad hap 4 wiket ha ki 20 Over, hynrei ka J&K kala lah ban beh ia katei ka thong kaba la buh da ka Meghalaya haka 15 Over bad hap tang 2 wiket.
U Nakul Verma jong ka Meghalaya ula kamai 37 run bad u Sylvester Mylliempdah ula kamai 26 bad hadien kane u Lerry Sangma ula kamai 24 run.
Ki nongialehkai jong ka J&K kila pyndep ia kane ka jingiakhun da kaba hap tang 2 wiket bad naka liang ki nongkawang bol ka Meghalaya kiba kynthup ia u Kilco Marak bad u Rajesh Bishnoi kila ioh mar 1 Wiket.
Ka Meghalaya kan iakhun pyrshah iaka Haryana ha ka sngi Balang.
Ha kawei pat ka liang, ka Meghalaya kan iakhun pyrshah ia ka Bengal ha ka Senior Women’s T20 Trophy ha ka sngi Baar.
Dang ha ka Sngi u Blei, ka Meghalaya kala shah pynrem ha ka Tamil Nadu da 123 run, watla ki nongkawang bol ka Meghalaya kiba kynthup ia ka Sandria Momin kala ioh 2 Wiket bad ka Rubi Chettri kala ioh 1 wiket.
Ka Tamil Nadu kala kamai 143 run bad hap tang 4 wiket ha ka 20 Over katba ka Meghalaya kala kamai tang 20 run bad hap lut ki Wiket ha ka 13.2 Over.
Pule lang ia kane: Dawa panmap u Rangbah shnong ia ka STIEH namar ka Cherry Blossom
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
