spot_img

Subroto Cup | Khot u DSO ia ki Skul ka WJH ban wan iashimbynta

Date:

Share post:

Jowai, Jymmang 06: Ka Ophis u District Sports Officer (DSO) West Jaintia Hills District, kan pynlong iaka District Level Inter School Subroto Mukherjee Cup Football Tournament 2024 ha Kiang Nangbah Stadium, Jowai.

Kane ka lympung kan long naduh ka taiew ba-ar jong u bnai Jylliew 2024 naka bynta ki khynnah ialehkai Under-15 Boys bad Under-17 jong ki kynthei bad ki shynrang.
Ia ki phorm ban rung ialehkai lah ban ioh na ka Ophis u DSO ka West Jaintia Hills haka por long trei.

U DSO u pyntip ba ki skul kila kwah ban iashimbynta ki lah ban pynpoi iaka thup kyrteng ki nongialehkai ha ryngkat ki dur Passport Size, Xerox Copy Aadhaar card & Birth Certificate na ka Municipal Board/CHC/PHC shaka office ha lane shuwa ka 30 tarik Jymmang.

La ong ba ym pdiang shuh iaki phorm hadien 30 tarik Jymmang.

Ka Screening kan long haka 3 tarik Jylliew naduh ka por 9 baje mynstep ha Kiang Nangbah Indoor Stadium bad tang 20 ngut ki nongialehkai yn shah ha baroh ki kyrdan ialehkai naka bynta ka Screening.

Haka por Screening, ki nongialehkai ki dei ban rah ki Original Birth Certificate & Aadhaar lem kumta yn ym shah iaki ban leh Screening.

Ka snem kut naka bynta ki nongialehkai ka long Under–15 (Boys) kiba dei ban kha ha ne hadien 01 Kyllalyngkot 2010, Under–17 (Boys), ha ne hadien 1 tarik Kyllalyngkot 2008, Under–17 (Girls), ha ne hadien 1 tarik Kyllalyngkot 2008.

Ia ki jingtip ba bniah lah ban ioh na kine ki nombor-9402310523/ 9774407962.

Share post:

spot_img
spot_img

Popular

More like this
Related

Hiar jurip u MLA ia ki jaka ban tei ia 2 tylli ki sub Centre ha Jowai

Shillong, Jylliew 03: U MLA ka Jowai u Bah...

Rai behkam ka KHADC ia baroh ki nongtrei ba thung ha ki kam ba khlem pat mang : CEM

Shillong, Jylliew 03 : Ka Executive Committee ba ialam...

Hukum ka Iingkashari ban set 20 snem ia u nongleit beijot khynnah

Shillong, Jylliew 03 : Ka Iingkashari Special Judge (POCSO)...

From permanent to casual; KHADC staffs accuse VPP led-EC of unfair, arbitrary action

Shillong, June 3: Over 27 aggrieved employees of the...