Shillong, Jylliew 14 : Ka skul Assam Rifles Public School bad ka Tyrsad Secondary School, kila ioh rah ia ka nam kum ki lahduh jong ka lympung ialehkai District level Inter School Subroto Mukherjee Cup ka East Khasi Hills District ha ka kyrdan U-15 bad U-17.
Ha ka jingialehkai U-15 ki shynrang, ka Assam Rifles Public School kala lah ban pynliem ia ka Umphyrnai Secondary School da 1-0 kol.
Katba ha ka U-17 ki shynrang, ka Assam Rifles Public School kala pynliem biang ia ka Umphyrnai Secondary School da 4-3 lyngba ka tie breaker.
Ha ka jingialehkai U-17 ki kynthei pat, ka Tyrsad Secondary School kala pynliem ia ka Umpohliew Jingtip Hr Secondary School da 1-0 kol.
Kine ki jingiakhun phainal ki dei kiba la pynlong hynne ka sngi ha madan jong ka Meghalaya Football Association (MFA) ha Polo.
