Shillong, Nailar 26 : Kawei ka kali maruti Gypsy (bym pat ioh nombor), la suba ba kala shah ther kuli ha ki riew kiengatiar katba ka dang iaid lynti na surok khappud hajan Maheskhola, ka shnong kaba don ha khappud ka South West Khasi Hills (SWKH) bad Bangladesh.
Kane ka jingjia kala jia ha ka step sngi Nyngkong ka 25 tarik Nailar ha ka por 9:30 baje eiei.
Kat kum ka jingiathuh u Superintendent of Police ka SWKH Bah B Jyrwa, arngut ki briew na Nongjri, kiba don ha kane ka gypsy kila wan pyntip ia kane ka jingjia ha Nonghylla Police Station.
Ki iathuh ba katba ki dang iaid na ka surok lyngkot (shortcut) na Koraibari ban mih sha ka surok heh ban poi ha Maheskhola, kila iohsngew ia ka jingbthei ba sawa jam (ba syriem kum ka jingsiat da ka suloi) napoh ka khlaw hynrei kim shym la iohi briew satia bad mar mar kila phet bak na kane ka jaka bad leit beit beit sha Nonghyllam Police Station.
Ki Pulit ka Nonghyllam Police Station bad Borsora Checkpost, mar mar kila hiar khynra sha kane ka jaka hynrei kim shym la lapdien eiei satia.
La iathuh ba ka kynhun ki Pulit ba ialam da u Circle Inspector, kila hiar pynlong ia ka jingtohkit ia kane ka jingjia bad ruh ka jing khynra ha ka thain ban iohksai ia kaei kaba jia.
Ki Pulit kila register case ia kane ka jingjia bad ka jingtohkit mynta kala iaid shakhmat.
Haba iakren bad ki trai shnong, la ong ba kane ka jingjia lehse ka lah ban dei ruh na ka jingbthei kaei re kaei hynrei namar ba ka jingsyier bad jingrit mynsiem u paidbah ka thain naduh ba wan thombor ki runar ka Bangladesh dang shen, kala pynlong ia kine ki arngut ban sheptieng ban pynman ba dei ka jinghiar thma ia ki.
, la suba ba kala shah ther kuli ha ki riew kiengatiar katba ka dang iaid lynti na surok khappud hajan Maheskhola, ka shnong kaba don ha khappud ka South West Khasi Hills (SWKH) bad Bangladesh.Kane ka jingjia kala jia ha ka step sngi Nyngkong ka 25 tarik Nailar ha ka por 9:30 baje eiei.){kind=link}