Shillong, Nailar 25 : Kum ka dak ka jingleh sbun bad jingshakri ia ka imlang sahlang, u Symbud Myntri Rangbah Bah Sniawbhalang Dhar, ula noh synniang da ka song pisa ba T.10 lak sha ka Balang Umplu Presbyterian ba kan tei ia ka Iingmane.
U Bah Sniawbha uba dei u MLA ka Nartiang constituency, ula pynpaw ia ka jingsngewnguh ia u Blei uba la kyrkhu bad ban jur ia ka jinglong kongsan ban shakri ia ka imlang sahlang.
U Bah Sniawbha ula ong ba wat hapdeng ka jingiapher ha ka sain hima sima, ka long kaba donkam ia ki dkhot ka imlang sahlang ban iatreulang halor ki kam ki ban ai jingmyntoi ia ka Balang bad ka Imlang sahlang.
Ula bynrap ba kane ka jingai jingiarap song pisa ka dei tang ka dak ka jingsngewnguh jong u ia ki nongshongshnong bad ka lynti ban kyrshan ia ka jingtrei jong ki.
U Rangbah ka Balang Bah D Lamare ula pynpaw ia ka jingsngewnguh na ka Balang ia u Bah Sniawbha namar kane ka song jingiarap ka ban leit sha ka jingshna ia ka Iingmane.
