Shillong, Naiwieng 09: Ka Shillong Lajong kan iakhun pyrshah ia ka Rangdajied United ha ka Final jong ka SSA Super Cup 2025 hadien ba pynliem iaka Mawlai da 1-0 kol ha ka jingiakhun semifinal kaba ar ha madan SSA First Ground, Polo.
Iaka goal kaba pynjop iaka Shillong Lajong la thep da u Arkibor Makhroh ha ka minit kaba 27.
Ka Rangdajied kaba la jam shaka Final kala jop ïa ka jingïalehkai semifinal ba nyngkong pyrshah ïa ka Langsning da 2-0.
Iaka SSA Super Cup la pynlong da ka Shillong Sports Association ha kaba ki Top 6 na ka SPL 2025 ki ïakhun ïa ka ha ka jingïakhun knockout.
Ka Langsning, kum ka nongjop jong ka SPL, bad ka Shillong Lajong kaba wan ba-ar ka la ïoh jaka beit beit ha ka semifinal, katba ka Rangdajied bad ka Mawlai ki la hap ban wan lyngba ka Playoff ban rung sha ka Semi final.
Baroh arliang ka Lajong bad ka Mawlai ki la pynkut noh ïa ka jingïalehkai da kaba don mar 10 ngut ki rangïalehkai ha madan.
Ka Mawlai ka la shah beh noh 1 Player u Kevin Rymbai ula ioh Red Caed ha ka minit kaba 70 hadien ba u Kevin ula iania bad u referee watla ula ioh lypa ka yellow card.
Naka liang ka Shillong Lajong kala shah beh 1 Player hadien ba u Banlamkupar Rynjah u ka ioh Red Card namar ba u pynlut kai ïa ka por.
Ka SLFC ka la leh ïa kaei kaba ka la dei ban leh ban pynneh ïa ka jingtam Goal, ha kaba u nongap kol u Wanteilang Malngiang u la shah thep tang kawei ha kylleng ka SPL bad ka Super Cup mynta u snem.
La pynkup burom ia u kum u T7 Player of the Match bad la ai ia u da ka song pisa T.5,000 bad ka memento da u Vice-President ka SSA u Cliff Nongrum.
Ka jingïakhun phainal kan long ha ka 13 tarik Naiwieng ha ka por 5 baje janmiet.
