Shillong, Jylliew 20: Ka North Eastern Hill University (NEHU) ka la Sospon ia u Professor ka Tnat Pule Zoology bad Dean ka School of Life Sciences u Nirmalendu Saha hadien ka jingshah kem haka Central Bureau of Investigation (CBI) halor ka jingkynnoh bam pisa kaba kot T.3.43 lak.
“Ha kaba iadei bad ka case u Prof N Saha, katkum ki kyndon, la khein ba u la shah Sospon hadien ba u la shah set phatok haduh 48 kynta ha ka CBI. Hadien ba la ioh ia ka jingpyntip na ka CBI, ka skulbah kala pynmih ia ka shithi sospon ia u Prof Saha,” ong ka kywroh na NEHU PRO.
Ha ka 12 tarik Jylliew, ka CBI, Guwahati ka la kem ia u Professor Saha bad ia uwei u riew shimet u ba dei u trai jong kawei ka Company na Guwahati, Assam ha ka por ba ki dang don hapdeng ka jingia ai ia shim pisa kaba T.3.43 Lak ha Guwahati University Guest House, Guwahati.
Ka CBI kala register Case ha ka 11.06.2025 pyrshah ia u Nirmalendu Saha bad u Pranjal Sharma uba shong ba sah ha Bishnu Rabha Path, Beltola, Guwahati, Assam katba ki dang ia suhbuit ban leh iaka kam jong u trai kawei ka Company pynkhuid ia ki bill ba pyntrei iaki kam.
Ka CBI ka la pynap shrip bad kem ia u Saha bad la rah ia ki sha iing kashari ba Guwahati haka 12.06.2025.
 ka la Sospon ia u Professor ka Tnat Pule Zoology bad Dean ka School of Life Sciences u Nirmalendu Saha hadien ka jingshah kem haka Central Bureau of Investigation (CBI) halor ka jingkynnoh bam pisa kaba kot T.3.43 lak.){kind=link}