Shillong, Nailar 16 : Ka Meghalaya Pradesh Congress Committee (MPCC) kala rai ban sospon mardor ia 2 ngut ki MLA jong ka party namar ka jingsuba ba ki don jingiadei kaba iajan bad ka Sorkar Meghalaya Democratic Alliance (MDA) ba ialam da ka National People’s Party (NPP).
Kine ki arngut ki MLA ka party ki dei u MLA ka Nongstoin Bah Gabriel Wahlang bad u MLA ka Mawhati Bah Charles Marngar.
Kat kum ka shithi bala phah da ka General Secretary ka MPCC Kong Wansuk Syiem sha kine ki arngut ki MLA, la ong ba kat kum ka jingbthah jong ki bor ba halor, la pyntip ba phi (Gabriel/Charles) la shah sospon na ka Indian National Congress naduh mynta ka sngi ka 16 tarik Nailar, ka ban treikam haduh 6 snem tad haduh da pyntip da kumwei pat.
La pyntip ba kane ka rai ban sospon ka dei namar ka jingkynnoh ba kila leh ia ki kam kiba long pyrshah ia ka party.
Ka Kong Wansuk kala pyntip ba kane ka rai ka dei kaba la shim halor ki jingpyntip na ki Block Committee bad Frontal Organisation, kiba pyni ia ka jingdon jingiadei jong kine ki MLA bad ka Sorkar MDA.
Lah ban kdew, dang shen ka kyrteng u Bah Gabriel Wahlang bad Bah Charles Marngar, kila mih lem bad uwei u MLA, ba kam ba ki lah ban leit iasoh noh sha ka seng National People’s Party (NPP) hadien ka jingrakhe ia ka Independence Day.
Lah ban kdew ba kine ki arngut ki MLA ka Congress ki dei ruh ki MDC jong ka Congress ha Khasi Hills Autonomous District Council (KHADC).
Ka kyrteng u MLA ka Umsning Dr Celestine Lyngdoh, ka dei kawei kaba mih ba thmu ban leit iasoh noh sha ka NPP.
Kane ka rai ban sospon ia kine ki arngut ki MLA kala mih hadien katto katne kynta hadien ka jingialang jong ka Meghalaya Pradesh Congress Committee ba long hynne ka sngi thohdieng.
Haba iakren bad ki lad pathai kubor, u President ka MPCC Bah Vincent H Pala ula iathuh “Ngi la khot ia baroh lai ngut ki MLA. Hynrei tang u Dr Celestine ula wan bad batai ia ngi. Ula ong ba kim pat ialeit satia mynta, ngi dang ia pyrthei (naba) ka don ka jingtyrwa na ka NPP ia bun ki skhim kam pynroi. Kum ka nuksa, kila tyra ia ki da ki Block, ki surok bad bun kiei kiei ba kin wan iasoh bad ki hynrei ula pyntip ba kim pat shim rai satia bad ta ka daw ula wan ban batai ia ngi”.
Haba pynpaw ba ka don ka jingpyrshang jong ka BJP-NPP ban pynjot ia ka Congress, u Bah Pala ula ong “Ki tip ba ka jingsngew jong u paidbah ka don bad ka Congress mynta ym tang ha ka Jylla hynrei ha ka Ri India baroh kawei. Ki pyrkhat ba da kaba shim noh ia ki MLA bad ki, kin pynjot ia ngi khamtam ha ka elekshon Ganbegre bad MDC”.
U pyntip ba ka party kala ai ka jingmaham kaba jur pyrshah ia ki MLA ba kan leh da kaba tyngeh pyrshah ia ki lada ki leit iasoh sha kiwei pat ki party.
 kala rai ban sospon mardor ia 2 ngut ki MLA jong ka party namar ka jingsuba ba ki don jingiadei kaba iajan bad ka Sorkar Meghalaya Democratic Alliance (MDA) ba ialam da ka National People’s Party (NPP).){kind=link}