Shillong, Jymmang 21: Ka National People’s Party (NPP) ka la pynpaw ia ka jingsngewskhem ba kan pynïoh ïa ka jingjop ba don burom naka bynta u kyrtong elekshon MP shiteng samoi jong ka Shillong Lok Sabha u Dr DRL Nonglait nongialam ka Party Bah Sniawbhalang Dhar u la pynskhem ba ka jingpynieng da u riew thymmai, kan ïarap ïa ka party ban jop ïa kano kano ka jingpyrshah Sorkar.
“Ka jingïalap na ka bynta ka elekshon shiteng samoi sha Lok Sabha ka dang ïaid shaid shaid ryngkat bad u kyrtong bad ki nongtrei ka party ha kylleng ki 36 tylli ki constituency. Ngin trei shitom bha ban pynthikna ba u Dr DRL Nonglait un jop” ong u Bah Sniawbha uba dei u National vice president ka NPP bad Symbud Myntri Rangbah ka jylla.
U Bah Sniawbhalang ula ong ba ka NPP kan ialeh ban lum iaki paidbah bad ia ki nongtrei jong ka ha kylleng ka Jylla.
“Kumba ka long mynta ngi don ki kynhun ha baroh 36 tylli ki constituency. Ki nongtrei ka party jong ngi ki don ha madan bad ki trei shitom bha ban jop ha kane ka elekshon MP shiteng samoi” u la ong.
Haba mynjur ba ki Sorkar ki ju ïakynduh ïa ka jingpyrshah Sorkar ha man ki elekshon, u Bah Sniawbhalang u la kynthoh ba ka jingïakhun jong u Dr Nonglait ka long ka jingmyntoi.
“Ka jingpyrshah Sorkar ka long beit ka jingeh ia kano kano ka Sorkar. Hynrei u kyrtong jong ngi u dei uba dang thymmai, kumta kam don kano kano ka jingpyrshah ia u” u la ong.
U Bah Sniawbhalang u la ong ba ka NPP ka ioh bor na ki nongialam jong kiwei pat ki sengsain pyrthei kiba dang wan shu pyniasoh.
“Kumba ka long mynta, ha jan baroh ki 36 tylli ki constituency, ki briew na ki party bapher bapher ki la wan iasoh bad ngi, kane ka dei ka dak kaba bha ba u kyrtong jong ngi un pynthikna ia ka jingjop” u la ong.
“Ha Jaiñtia Hills, Ri-Bhoi bad Khasi Hills, ki briew ki la rung sha ka party bad ngi pdiang sngewbha ïa ki” u la bynrap.
Halor ka jingkylli hato ka Sorkar Synroplang ka pynieng da u kyrtong mon lang, u Bah Sniawbhalang u la ong ba ka NPP kan plie ia ki lad ki lynti jong ka.
“Ngin ieh ha ka jingstad jong ki Party kiba don lang haka MDA. Lada ka BJP ka rai ban pynieng kyrtong lajong, ne ka UDP, ne kiwei pat ki don ia ka hok. Hynrei lada kim sei kyrtong, ngin sa peit bad iakren kumno ban iaid shakhmat” u la ong.
 ka la pynpaw ia ka jingsngewskhem ba kan pynïoh ïa ka jingjop ba don burom naka bynta u kyrtong elekshon MP shiteng samoi jong ka Shillong Lok Sabha u Dr DRL Nonglait nongialam ka Party Bah Sniawbhalang Dhar u la pynskhem ba ka jingpynieng da u riew thymmai, kan ïarap ïa ka party ban jop ïa kano kano ka jingpyrshah Sorkar.){kind=link}