Nongpoh, Jymmang 20: Ka Nongpoh Town Committee (NTC) kala pynpaw ia ka jingsngewnguh kaba khraw ia ka Sorkar Meghalaya Democratic Alliance (MDA) ba ialam da ka National People’s Party (NPP) namar ka jingtheh ia ki kam pynroi ha sor Nongpoh lyngba ka Tnad Pynroi Sor.
“Ka sor Nongpoh ka dei kawei na ki sor rit ka Jylla…ka dang donkam shibun ki kam pynroi ba kan kiew bad ka donkam shibun ki jingiarap na ka Sorkar Jylla” ong u Chairman ka NTC Bah SF Lyngdoh bad u Secretary Bah Rayonald Kharkamni haba iakren bad ka Shlem.
Kat kum ka jingong jong ki, ka Sorkar Jylla hapoh ka jingialam u Conrad K Sangma kum u Myntri Rangbah ka Jylla, kala pynpoi ia shibun ki kam pynroi sha ki shnong kiba hap hapoh ka NTC lyngba ka Tnad Pynroi Sor.
“Ngi hap ban ai khublei kyrpang ia ka Sorkar Jylla bad ka Tnad Pynroi Sor….Ha ki snem kiba la leit noh, ka sor Nongpoh ka ju ioh duna bha ki kam pynroi hynrei dei haba wan shimti ka Sorkar MDA, ki kam pynroi kila sdang ban wan ha ki shnong ki thaw, kiba la ai jingmyntoi bad kyntiew ia ka sor baroh kawei” kila ong.
Ki iathuh ba tang ha u snem 2023-24, ka NTC kala ioh pdiang ia ka song pisa ba kot T.1.45 klur lyngba ka ID scheme ba pyntrei da ka Tnad Pynroi Sor, ban pyntrei ia ki kam pynroi ha ki 11 tylli ki Shnong ba hap hapoh ka NTC. Kila ong ba ha u snem 2024-25, ka Sorkar kala nang theh shuh shuh ia ki kam pynroi na kane ka juh ka skhim da kaba mang haduh T. 6 klur”.
“Ngi sngewnguh shikatdei eh ia u Myntri Rangbah ka Jylla bad ia u Symbud Myntri Rangbah ba khmih ia ka tnad Pynroi Sor kiba la iohi ia ka jingdonkam jong ka sor Nongpoh ba kan kiew bad iahap kyrdan kum ka sor kaba lah ban pynbiang ia ki jingdonkam ki nongshongshnong” kila ong.
 kala pynpaw ia ka jingsngewnguh kaba khraw ia ka Sorkar Meghalaya Democratic Alliance (MDA) ba ialam da ka National People’s Party (NPP) namar ka jingtheh ia ki kam pynroi ha sor Nongpoh lyngba ka Tnad Pynroi Sor.){kind=link}