Sngewlem u VC ka NEHU halor ka jingkhlad u MP ka Shillong Dr Ricky AJ Syngkon

Shillong Rymphang, 20:  U Vice Chancellor ka North Eastern Hill University (NEHU) Prof PS Shukla ula pynpaw ia ka jingsngewsih kthang halor ka jingkhlad noh u MP ka Shillong Dr Ricky AJ Syngkon, bad ong ba ka long ka jingduh kaba khraw ia ka kynhun ki nonghikai bad ia ki paidbah kaba u mihkhmat.

“U Bah Syngkon u don ia ka sap kaba kyrpang ha ka jingai jingshakri ia ki paidbah bad ia kiba ioh jinghikai na u” ong u Shukla ha ka kyrwoh sngewlem.

“Kum u nongiasaid hapoh Parliament, ula rah ia ka jingangnud jong ki paidbah da ka jingkular kaba skhem, jingshlur bad da ka burom. Kum u Nonghikai ula saindur ia ka pyrkhat pyrdain jong ki samla da kaba ngam jylliew, ban long kiba hok bad iengskhem ha ka nongrim bad ban don ia ka jingsngew synei”.

U Shukla ula pynpaw ba ka jingnoh synniang u Dr Syngkon ha ka kam synshar paidbah bad ha ka pule puthi ha ki kyrdan kiba heh, da kaba ong, ba ka jingim ka jongu ka ieng kum ka jingkieng hapdeng ka polisi bad ka jingai jinghikai bad hapdeng ka kam synshar bad ka jingbtin lynti, ka jingpynshisha ia ka bor jong ka jingkylla ka jingnang jingstad ha ka jingim paidbah”.

“U ngeit ha ka jingiakren halor ka jingiaphiah, ka jingshakri ban ia ka jingioh myntoi shimet bad ka jingnang jingstad kum ka bor ban kiew shaphrang ka imlang sahlang” la bynrap u Shukla.

“Ka sur jongu hapoh ka Parliament bad ka jingdon ka jongu ha ki kamra pule ka pyni ia kajuh ka jingkitkhlieh ban tei ia ka ri bad ia ka jinglong nongialam kaba kyrpang”.

Na ka bynta ka skulbah NEHU, u Shukla ula pynpaw ia ka jingsngewlem sha ki bahaiing bahasem jong u Dr Syngkon, kiba iatrei ryngkat, ki samla pule bad ia ki paidbah kiba u ai ka jingshakri, da kaba ong, “Ngi ia mad lang ia kajuh ka jingsngewsih bad nga ‘Salute’ ia ka jingim kaba la aiti na ka bynta ka bor shemphang bad ia ka jingshakri ia ki paidbah”.