-->

Sngewkhia u Myntri ba rai iakhih ka AKMTTA bad ba byrngem kylla sa ka Association na Assam

Date:

Share post:

Shillong Nailur 06: U Myntri ka kam jngohkai u Bah Paul Lyngdoh ula pynpaw ia ka jingsngewkhia halor ka jingshim rai dang shen jongka All Khasi Meghalaya Tourist Taxi Association (AKMTA) ban pynlong ia ka jingiakhih ban pyrshah ia ki kali kiba nabar ka jylla ban leit rung sha ki jaka jngohkai kiba don ha Meghalaya namar ka lah ban pynmih iaka jingleh pyrshah lang na ka Assam ruh.

Katkum ka jingong ka jongu, ka long kaba donkam ban long kiba phikir bha bad ban don ka jingiakren ban pynbeit halor kane ka mat.

U Bah Paul ula ong ba ka Association na Assam kala byrngem kylla ban pynjari lang ia katei ka juh ka kyndon pyrkhing ia ki kali kamai na Meghalaya.

“Ngi lah iohi ia ka jingbyrngem lang na ka Association na Assam ha kaba kila pynpaw ba lada ia ki kali jongki la khang ban rung sha ki jaka jngohkai ha Meghalaya, kumta ki ruh kin leh lang kumjuh” ula ong.

U Myntri ula kyntu ia ka AKMTTA ban iadonbynta lang ha kaban iakren bad ka committee kaba la khlieh da u Bah Cyril Diengdoh ban pynbeit ia katei ka mat.

“Ngi lah ai jingmut ba kin iakynduh ia ka committee. Ki lah iakynduh man la ka por, hynrei ngam lah pat ban sngewthuh kumno kim shim la lah ban pynbeit ia katei ka mat,” ula ong.

“Ia ka jingiakajia hapdeng ki nongniah kali hapdeng ka Meghalaya bad Assam dei ban pynbeit lyngba ka jingiakren hapdeng ki

Association bapher bapher. Hynrei kila kwah ban pynlong ia ka jingiakhih, ngi sngewthuh bha ia kata ba ka lah ban mih ka jingshim sienjam ban pynphai kylla na ka liang Assam” la ong u Bah Paul.

Share post:

-->
spot_img

Popular

More like this
Related

MWSL | Khur ka Bright Future bad Diengshynrum ia ka nam jop ha ka group B bad C

Shillong, Oct 3: Ka Bright Future SSCC, Young SSCC...

Pynsangeh ka Sorkar ban pdiang ia ki kyrteng bala dep jied ban leit pule MBBS

Shillong, Risaw 03: Ka Sorkar Jylla kala rai ban...

SPL | Wanphai ka Rangdajied sha ka sap ban jop da ka jingpynliem ia ka Malki

Shillong, Risaw 03: Ka Rangdajied United FC ka la...

Dawa ka JSU ban pynbeit biang ia ka bhah pule MBBS ha ka open category

Shillong, Risaw 03: Ka Jaintia Students’ Union (JSU) kala...