spot_img

Sngewkhia ki kali Tourist ba kamai ki kali shimet na ki nongshangkai pyrthei sha Meghalaya

Date:

Share post:

Dawa ki kali Tourist na Assam-Megh ban khang noh ki Sorkar

Nongpoh, Naitung 30 : Ki seng jong ki kali Tourist ka Assam-Meghalaya, kila pynpaw ia ka jingsngewkhia kaba jur halor ka jingmih ki kali shimet ban kamai da kaba kit ia ki nongshangkai pyrthei sha kylleng ki jaka jngohkai ha Meghalaya bad Assam ruh kumjuh.

Kane ka sur kala mih na ka jingialang ki seng jong ki Nongniah kali Tourist ka Assam-Meghalaya ba kynthup ia ka Hynniewtrep Tourist Taxi Association bad a Greater Guwahati Tourist Taxi Association, kaba long hynne ka sngi Ba-ar ha Green Hills, Nongpoh.

Kine ki seng kila shim ia ka rai ban ujor sha la ki jong ki Sorkar Jylla (Assam bad Meghalaya) halor ka jingiaid kamai laitlan jong ki kali shimet na ki nongshangkai pyrthei, kaba la pynduhnong shikatdei eh ia ka kamai jakpoh jong ki.

Kane ka jingialang ka dei kaba la pynlong halor ka jingkhang lynti jong ka seng Hynniewtrep National Youth Front (HNYF) ia ki kali Tourist ka Assam ban kit ia ki nongshangkai pyrthei sha Sohra bad Dawki, kaba jia kaba 26 tarik Naitung, 2024 ha Umtyngngar

Kane ka jingjia ha Umtyngngar kala wanrah ia ka jingsngew iapher jingmut kaba jur bha na ki nongniah kali tourist ka Assam, kaba la pynbor ia ki nongniah kali tourist na Meghalaya ban lum ia ka jingialang ha kaban iakren pynbeit ia kane ka kam.

Hadien ka jingiathir iatar kaba neh katto katne kynta, kine ki seng jong ki kali Tourist kila mynjur ban bteng ia ka jingiatrei lang kumba ju long baroh shikatta bad ban pynthikna ba kum ka jingjia ha Umtyngngar kan yn jia shuh bad kan ym ktah ruh ia ka kamai kajih jong ki kali Tourist na baroh ar Jylla ha kine ki sngi ban wan.

Ki seng na Meghalaya kila pynshai ba katei ka jingjia ha Umtyngngar ka dei kaba leh da ka Kynhun Sengbhalang bad ka Sorkar kala shimkhia ban leh eiei halor kane ka kam.

Share post:

spot_img
spot_img

Popular

More like this
Related

Mynjur ka Sorkar Pdeng ia Highway Project ba T.22 hajar klur na Shillong sha Silchar

Shillong, Iaiong 30 : Ka Cabinet Committee on Economic...

Ioh jingithuh ka Shillong kum ka “jaka ba thnem” ban pynlong ia ki Live Concert

Shillong, Iaiong 30 : Ka Shillong kaba la ioh...

Released on bail, Assam man kills woman who accused him of raping minor

Guwahati, Apr 30: In a chilling case of revenge,...

Garo Hills Catholic Union demands apology over defamatory social media posts targeting Pope Francis

Tura, April 30: The Garo Hills Catholic Union (GHCU)...