spot_img

Sngewkhia ka UDP Mawlai halor ka jingsaphriang ka jingpang ki sniang bad masi

Date:

Share post:

Shillong, Jylliew 11 : U Bah P.T.Sawkmie, MLA barim ka Mawlai u la ong ba ka UDP Mawlai circle ka sngewkhia jur halor ka jingsaphriang jong ki jingpang ha kine ki sngi kum ki jingpang sniang bad ki masi kaba la pynlong ia ki paidbah ba kin hap kiar ban bam dohsniang bad doh masi.

U Myntri ba dei khmih ia ka kam jingri jingdup jong ka sorkar jylla un hap ban bthah ia ki doktor ha ka Tnad ban wad ia ka daw jong ka jingpang namar tad haduh mynta ki doktor ka Tnad kim pat pyntip eiei shaphang kane ka jingpang, ong u bah Sawkmie.
U bynrap, shuh shuh ki paidbah ki kwah ban tip la ka jingpang ka dei tang ha Meghalaya ne sha kiwei ki jylla jong ka ri.

Ha kajuh ka por kaei ka lad jingiada ba ka department ka la shim ban ai jingmut ia kito ki nongkhaii bad nongdie doh kiba leh ia kine ki kam, ong u bah Sawkmie.

U bah Sawkmie u la ong ruh ba ki paidbah ka jylla ki la mad jingeh bha ha kine ki sngi namar ba kim nud bam shuh, ym tang ka doh sniang bad doh masi, hynrei wat ka dohkha.

Ki ophisar ka tnad fishery kin hap ban trei shitom bad ban pynthikna ba ki dohkha kiba wan nabar jylla ki dei ban long kiba bit ban bam lym kumta ka department kan hap ban phah sangeh na ka bynta ka jingkoit jingkhiah.

U ong ruh ka fishery department kan hap kyndit bynriew ban ia trei ryngkat bad ki nongdie dohkha ha iewduh, ym tang ha nongbah Shillong, kynthup ruh ia ki 12 tylli ki district ha ka jylla ban wad la ki nongsaplai dohkha ki pyndonkam formalin ne em na ka bynta baroh ki dohkha ba wan nabar jylla, pynkut u bah Sawkmie haba kren sha u nongthoh khubor.

Share post:

spot_img
spot_img

Popular

More like this
Related

Assam | Kem ki Pulit ia 9 ngut ki Rohingya ba sah beain ha Cachar haduh 13 snem

Guwahati, Nailar 13: Khyndai ngut ki phetwir Rohingya kila...

Assam | Ai jinghikai ka INC ia palat 29000 ngut ki BLA ban peit bniah ioh lehthok ha ka Electoral Roll

Guwahati, Nailar 13: U President ka Assam Pradesh Congress...

Khynra jur ki BSF ha khappud ka SWKH ba wan pyntriem ki runar na Bangladesh

Shillong, Nailar 13: Ka Border Security Force (BSF) Meghalaya...

Pynbna u CM ia ka song T.45 klur ban pynbha bad pynkupdur thymmai ia ka Iewduh

Shillong, Nailar 13 : U Myntri Rangbah ka jylla...