Ther tyngeh ia ki seng sain pyrthei ba pynslem ban ai jingmut
Shillong Naitung 10: Ka Khun Hynniewtrep National Awakening Movement (KHNAM) hynne ka Lah Sngi u Blei, kala pynpaw iaka jingsngewkhia halor ka jingkynnoh ba ka sorkar jylla kala pyntreikam iaka Roster System naduh ki snem kiba mynshwa.
Ha ka kyrwoh khubor, u Working President ka KHNAM u Bah Thomas Passah u la ong ba ha kiba bun tylli ki jingialang ka sorkar kala pyrshang ban ialam bakla iaki seng saiñ pyrthei bad ia ki paidbah halor katei ka ishu.
“Dang shen ha ka result kaba la pynbna da ka Meghalaya Police ha ka 28 tarik u Jylliew 2023 la shem ba ki samla Khasi-Jaintia kiba la shah jied ki long 41.63% (420) katba 46.18% (466) ngut kiba la shah jied ki dei ki Garo bad kane ka paw baka jingpynbna result ka long katkum ka jingpyntreikam iaka roster system naduh ki snem ba mynshwa” ong u Bah Passah bad ka ong “Kumta ngi kwah ban pynpaw shai ba ka Office Memorandum kaba la pynmih haka 14 tarik u Jylliew 2023 kadei ka Roster kaba la buhrieh iaka ‘Backlog’ namar ba iaki jingtip bad ia ki jingkhein kidei kiba la lum naduh u snem 1972 ha ka jingpynbiang iaka roster register”.
U Nongialam ka KHNAM ula ong, katkum ka jingpan jingtip lyngba ka RTI, ka tnad Personnel jong ka sorkar jylla ha ka 5 tarik u Naitung 2023 kala pyntip ba ym shim la don kawei ruh ka tnad kaba la pynbiang ne sdang buh ryntih iaka roster register.
“Ka jingkylli kaba shongaiñ kaba mih ka long, kumno ki tnad jongka sorkar jylla kin lah ban pyntreikam iaka Roster System khlem da pynbiang shwa iaka roster register. Haba ngi la kylli hato, ka OM jongka 14 tarik u Jylliew 2023 kala kdew ia u bnai ne snem kaban sdang pyntreikam iaka Roster? Ka sorkar kala leh kiar ban ai jubab ia kane ka jingkylli” ong u Bah Passah bad ka ong “Ngin tih naduh tyllong iaka jingleh buittuh bad jingleh shalak jong ka sorkar kaba pyrshang ban pynthame ia baroh” la pynpaw u Bah Passah.
“Ka paw ba ki paidbah ka jylla ki shah buddien ha ka sorkar bad ki seng saiñ pyrthei ha kaba iadei when it comes to the Amendment of RP 1972 and the Roster System,” ong u Bah Passah bad bynrap “Ngin tih naduh tyllong ban lap iaka jingleh buittuh bad jingleh shalak jong ka sorkar kaba pyrshang ban pynthame ia baroh”.
Ka KHNAM kala ther ruh ia ki seng saiñ pyrthei kiba pynslem ha kaban phah ia ki jingthoh ha kaba iadei bad ka Reservation Policy.
U Working President KHNAM, ula pynkynmaw ba ha ka jingialang jong ki seng saiñ pyrthei halor ka Reservation Policy kaba la long ha ka 31 tarik u Jymmang ha Secretariat, la shim ia ka rai ba baroh ki seng saiñ pyrthei kidei ban phah ia ki jingpynsngew ki jongki hapoh ka 15 sngi.
“Ka KHNAM kala dep ban ai iaka jingthoh ha ryngkat bad ka jingpynshong nia lyngba ka shithi haka 31 tarik u Jymmang, hynrei ka long kaei kaei kaba sngewbynniaw ba ha ka jingpynmih khubor, ka Myntri ka tnad Aiñ kala ong ba ym shim la don kino kino ki seng saiñ pyrthei kiban ai ia ki jingthoh bad ia ki jingpynsngew ki jongki haduh mynta. Kane kadei ka jingpynkhein iaka rai kaba la shim haka jingialang kaba la long haka 31 tarik u Jymmang bad ka long ka rukom treikam ka bym iahap na ka bynta kito baroh kiba don bynta” ong u Bah Passah.
Ula ong, ka jingpyndonkam ia ki buit ban pynslem ha kaba iadei bad ki ishu kiba kongsan jong upaidbah kam dei shuh kaba thymmai ia kaba ym sngewphylla shuh.
“Ha ka All Political Party Meeting ka KHNAM, UDP, HSPDP, VPP bad INC kila pynsngew iaka jingdonkam ban khmih bniah biang iaka Reservation Policy 1972 kaba la rim palat, hynrei ka paw namar ba kane ka mat kam dei shuh kaba dang don hapdeng ka jingiakhih ha surok, kumta baroh kila shim shuti na kane ka mat kaba kongsan kaba buh ruh iaka jingkylli halor ka jingshimkhia shisha ia kane ka mat” ong u Working President ka KHNAM.
“Ha ka jingialang jong ki seng saiñ pyrthei ha ka 31 tarik u Jymmang 2023, ngi la pynpaw ia ka jingsheptieng
