Shillong, Nailur 12 : Ka Shillong Press Club (SPC) ka pynpaw ia ka jingsngewkhia jur halor ka jingjia mynta ka sngi habar phyllaw ka SPC ha Lower Lachumiere ha kaba ki dkhot ka Hynniewtrep Youth Council (HYC) bad ki bor Pulit ki la dap smam hadien ba ki ioh jingtip ba ka seng Bramachari Mukundanand kaba mih khmat na ka bynta ka Jagatguru Shankaracharya Smani Avimukteshwaranda Saraswaty ki mut ban wan ai Press Conference ha Club.
Halor kane ki nongialam ka SPC ki la iakren bad kitei kiba thmu ban wan pynlong Press Conference da ka phone bad hadien ba ki la iathuh ba u nongialam jong ki u dang slem ban poi Shillong, kala don ka jingiakren bad la pynbeit ban pynsangeh noh shwa ia ka Press Conference mynta ka sngi.
“Ka SPC ka kwah ban pynshai kdar sha baroh ba ka SPC ka dei ka Club kaba laitluid khlem ki jingshah teh shah khum bad kaba ieng pdeng na ka bynta jong baroh naduh ki seng bhalang, seng niam, seng treimon sngewbha, ki riewshimet khlem da niew shilliang khmat la ki dei na kano kano ka jaidbynriew, kiba khraw kiba tri ne kiba rit ba ria ruh bad ka pdiang sngewbha ia baroh ban pynlong ia ki Press Conference hapoh ka Club” ong a SPC ha ka kyrwoh.
“Kane ka jingjia mynta ka sngi kaba la pynlong ia ki bor pulit bad ki nongialam seng bhalang ban ialum ka la pynhiar dor ia ka kyrdan, ka iktiar bad burom jong ka Club kat haduh ban poi sha u pud ban shah kynnoh ba khlem ailad ban pynlong presss conference ia kaba ym dei pat ka jingshisha namar da ka jingiapynbeit lang, la rai ban pynsangeh noh ia ka Press Conference mynta ka sngi” kala bynrap.
Ka SPC ka pynshai ruh ba ia ka Press Conference la pynsangeh da ka Bramachari Mukundanand ym da ka SPC” ong ka SPC ha ka kyrwoh.
“Hadien ka jingiakren sngewthuh hapdeng u President jongka SPC bad President jongka HYC u la iathuh ba ka rai jongki ban wan sha Club kam dei ban pynthut ia ka Press Conference hynrei ban iakynduh bad tohkit bniah na ki nongialam katei ka seng ba thmu khang bam doh masi halor ka jingthmu jongki ban pynlong ia kata ka rally ha ka 2 tarik u Risaw 2024 lane kata ka Gau Dhwaj Sthapana Bharat Yatra ban pynbna ba ka masi ka dei ka kmie jongka jaidbynriew. Ka Shillong Press Club kam don jingtip halor kane namar ym shym la pynpaw ei ei ha ka shithi ba la phah sha ka Club” kala ong.
“Nalor kata ka SPC ka kwah ruh ban pynshai ba kam ju ai da kano kano ka jingthoh sha kino kino kiba kwah ban pynlong Press Conference hynrei tang da ka jingiakren phone beit naduh mynshwa haduh mynta” kala bynrap.
Ka SPC ka pynshai ruh ba shwa ban pynsangeh ia ka Press Conference, u President u la iakren bad ki dkhot ka Jagatguru Shankaracharya Swami Avimukteshwaranda Saraswati (JSSAS) bad hadien ba la pyntip ba ki dang slep ban poi la pynsangeh ia ka Press Conference kumta ban kynnoh ba pynsangeh ka SPC ka long kaba bakla bad ka bym don nongrim.
 ka pynpaw ia ka jingsngewkhia jur halor ka jingjia mynta ka sngi habar phyllaw ka SPC ha Lower Lachumiere ha kaba ki dkhot ka Hynniewtrep Youth Council (HYC) bad ki bor Pulit ki la dap smam hadien ba ki ioh jingtip ba ka seng Bramachari Mukundanand kaba mih khmat na ka bynta ka Jagatguru Shankaracharya Smani Avimukteshwaranda Saraswaty ki mut ban wan ai Press Conference ha Club.){kind=link}