Gangtok, Jymmang 02 : Ka Border Roads Organisation (BRO) ha ka sngi Nyngkong, kala leit ban ai jingiarap ia 40 ngut ki nongshang sawari kiba sahkut hajan ka Nathula, Sikkim namar ka jingther jong u lapbah.
Kat kum ka khubor, ki bor pyniaid ka BRO kila iarap ruh iakine ki nongshang swari da kaba ai jingbam kiba khluid bad ai jaka rieh ha ka len jong ka bad hadien la pynphai pat ia ki sha Gangtok hadien bala pynkhuid ia ka surok ban iaid lyngba.
“Kane ka jingleit ai jingiarap hajan ka Nathula Pass ka dei kaba la leh da ki BRO Karmayogies jong ka project Swastik” ong u PRO ka tnad shipai.
Shuwa kane, ha ka taiew ba nyngkong jong u Iaiong, ka BRO kala ioh ban ai jingiarap ia 350 ngut ki nongshang sawari kiba sahkut ha East Sikkim hadien ka jingtwa jong u lum thah (avanlanche).
Hynniew ngut ki briew kila iap ha kane ka jingtwa u lum thah hajan ka Nathula Mountain Pass.
