Mangan, Jylliew : Ha ka sngi kaba ar jong ka jingleit pyllait ia ki nongshang suwari ba sahkut ha Lachung bad ki jaka ba marjan, ki kynhun leit ai jingiarap kila lah ban pynkynriah haduh 1225 ngut hynne ka sngi ba-ar sha ki jaka ba shngain.
Kane ka jingleit iarap ia kine ki nongshang suwari kala sdang naduh ka por 8 baje mynstep ha kaba ka kynhun ki BRO, NDRF bad SDRF nalor ki Panchayat badki Volunteer, kila iarap ia ki nongshang suwari ban jam lyngba ia ki jaka ba twa ha ryngkat ki tiar ki tar kiba shngain.
U Addl District Magistrate ka Mangan Vishu Lama u pyntip ba haduh 1225 ngut ki nongshang suwari kila poi ha Mangan.
Ka jingleit iarap na suin kan urlong tad hadien bala bha ka suinbneng. Kine ki helicopter kila ieng bad ap mynta ha Bagdogra.
