Gangtok, Jylliew 18: Ki shipai ka Trishakti Corps Indian Army hynne ka sngi U Blei kila leit ban ai jingiarap ia palat 300 ngut ki nongshangkai pyrthei kiba sahkut na ka jingtwa khyndew kaba la pakhang lynti ia ka surok ha Chungthang, North Sikkim.
Kat kum ka khubor, kine ki nongshangkai pyrthei ki dei kiba dang wan phai na Lachung bad Lachen.
Ki shipai ka Trishakti Corps, kiba la trei khlem shongthait ban iarap ia ki nongshangkai pyrthei, kila nang iapynkhreh ban leit iarap sa ia kiwei pat kiba sahkut.
Ha ka 18 tarik Jylliew por 11 baje mynstep, baroh kine ki 300 ngut ki nongshangkai kila lait tam ia ka jingkieng ba shipor da ka jingiarap ki shipai ba kin poi sha Gangtok. Ia kine ki briew la ai bam, jaka sah bad ki dawai dashin da ki shipai.
Pule ruh: Assam: Leit iarap ka SDRF-NDRS ia ka kynhun ki Doktor na Dibrugarh ban lait na ki jingma
