Shillong, Kyllalyngkot 07: Ka Health Experts Committee jong ka Tnad Health and Family Welfare ka jylla hynne ka Sngi Baar kala shong kala shong ia ka jingialang ban khmih bniah ia ka jingling jingman bad ia ka jingpynkhreh ka jylla ha kaba iadei bad ka jingsaphriang u khniang jingpang Human Metapneumovirus (HMPV).
Ia ka tei ka jingialang la lum da u Principal Secretary ka tnad ka koit ka khiah ka jylla u Ramkumar ha kaba la iatai sani ia ki kaiphod ha kaba iadei bad ka Human Metapneumovirus (HMPV) kumba la pynpaw lyngba ki lad pathai khubor.
Ka Committee hapoh ka jingialam u Ramkumar kala khmih bniah ia ka jinglong jingman bad ia ka jingpynkhreh ka tnad ka koit ka khiah ka jylla ban iakhun iakhun ia une u khniang jingpang.
U Ramkumar ha ka kyrwoh khubor ula pyntip ba ka jingialang kala iatai sani halor u HMPV ba ym dei satia u khniang jingpang uba dang thymmai, hynrei udei uba la saphriang sha ki paidbah la bun phew snem bad la lap nyngkong ia u ha u snem 2001 bad ula ong ba ha u Nohprah 2024, kila don tang 9 tylli ki jingjia kiba la pynthikna ia ka jingioh ia u khniang jingpang HMPV na ki 714 ngut kiba la suba ba kila ioh ioh ia u HMPV ha kylleng jong ka ri hynrei ym shim la don mano mano ruh kiban duh noh ia la ka jingim.
Ula pynpaw ba ki dak ki shin jong kane ka jingpang ka iasyriem bad ka jingioh ia ka baiongkhlieh, jingshit, jyrhoh, jingset ryndang bad kine ki dak ki shin ki long kiba jai jai bad kam shym la don kano kano ka jingjia ban don kiba iap na u khniang HMPV.
Ka jinglong jingman ka long kaba neh hynrei km shym la kdew ba kan long kaei kaei kaba phyla ne ba kan long kaba buh ha ka jingma.
“Ka tnad ka koit ka khiah kala pynshlur ia ki paidbah ba kin bud ryntih ia ki jingling ban long kiba lehkhuid lehsuba da kaba sait man la ka por iala ki kti, ban deng ia ka mask haba ki don ia ka jingpang baiongkhlieh, ban pynduna ia ka jingma jong ka jingpynsaphriang ia ka jingpang. Udei u khniang (virus) uba ktah ia ki khynnah kiba hapoh jong ka 14 snem bad ia ki nongpang kiba la heh ha ka rta. Kumta kino kino ki nongpang kiba don ia kitei ki dak ki shin kim dei ban pynslem ha kaban shim dawai noh mardor na ki hospital” la pynpaw u Ramkumar.
Ula pyntip ruh ba ka Integrated Disease Surveillance Programme (IDSP) kan bteng ban khmih bniah ia ka jinglong jingman bad kan tre shitom ban pynthkna ia ka koit ka khiah jong ki paidbah ha kane ka aiom bad ki jaka ai jingsumar kiba don ha ka jylla Meghalaya kidei kiba la bit la biang bad ba la pynkhlain bha ban iakhun pyrshah lada jia ba khie kane ka khlam jingpang.
 uba ktah ia ki khynnah kiba hapoh jong ka 14 snem bad ia ki nongpang kiba la heh ha ka rta. Kumta kino kino ki nongpang kiba don ia kitei ki dak ki shin kim dei ban pynslem ha kaban shim dawai noh mardor na ki hospital” la pynpaw u Ramkumar.){kind=link}