Shillong, Jymmang 08 : U Myntri ka Tnad Food & Civil Supply bah Comingone Ymbon ha ka sngi Palei, ula lum ia ka jingia lang bishar kam halor ka jingdon ki marbam hapoh ka Jylla namar ki jinglong jingman kiba pynkyan ia ka thma hapdeng ka India bad Pakistan.
Hadien ba dep pyniaid ia ka jingialang, u Bah Coming ula ong “Kum u Myntri, na la lum mardor ia ka jingialang bad baroh ki Deputy Commissioner bad ki Sub-Divsional Officer ban shong bishar ia ka jingdon ki marbam bala buh ha Jylla namar ki jingjia hapdeng ka India bad Pakistan”.
“Baroh ki DC bad ki SDO kila pyntip ba kam don satia kano kano ka jingduna bad ba ngi don pahuh ia ki marbam” ula bynrap.
Haba kylli, u Myntri ula pyntip ba ka jingdonkam daw ha ka shibnai jong ka Jylla ka kot kumba 12000 metric ton.
“Watla ka Sorkar India kan dang ban pynmih ia kano kano ka jingbthah, hynrei kum ka Jylla ngi kwah ban long kiba la pynkhreh pura ban pynthikna ba ki nongshongshnong kin ym shah ktah” ula bynrap.
Ula kyntu ia ki nongshongshnong ka Jylla ba kim dei ban khuslai bad ong “Kam donkam ba phin iathied iapet lypa namar ngi don pahuh ki marbam”.
Ula bynrap ba ki paidbah ki lah ban phone ha u helpline number 1967 lada ki shem ia kano kano ka jingeh.
