Shong bishar u CM ia ka jinglong jingman ha South Garo Hills District

Date:

Share post:

Shillong, Jylliew 21: U Myntri Rangbah ka Jylla Conrad Konga Sangma hynne ka sngi ba-ar, la shong bishar kam haba iadei bad ka jinglong jingman ha South Garo Hills, kaba la shah ktah jur eh na ka jinglynshop ka mariang haduh ba dkut lut ki lad pyniasoh sha kiba bun ki shnong ki thaw kynthup ruh ka National Highway-62 kaba la neh mynta la 4 sngi lynter.

Haduh 40,000 ngut ki briew kila shah ktah ha kane ka District kaba la mad ia ka jinglynshop kaba jur eh naduh ka jingshlei um bad ki jingtwa khyndew ha bun tylli ki jaka khamtam ha Maheskola bad Siju kiba la dkut beit thui mynta na ka Jylla.

Haduh hynriew tylli ki jingieng kynthup ka jingkieng ba shu sdien bad ki jingkieng dieng kila shah rong noh ha South Garo Hills. La iathuh ba bun ki jaka kila shong mynta hapdeng ka jingdum bad ym don shuh ruh ki network mobile bad kine ki shnong ki kynthup ia ka sor Baghmara, Karukol, Rongsa Awe, Siju, Rongara, Gasuapara, Chokpot bad kiwei kiwei.

Ki Ophisar Sorkar kila pyntip ia u Myntri Rangbah ha kane ka jingialang bishar kam ba ka jingpynkhuid ia ki khyndew bad jingmaramot ia ki surok kila iaid shaid shaid mynta.

Haduh phra ngut ki briew kila iap ha ki jingjia twa khyndew ha Bolsalgre, Siju bad Rongsa Awe ha kaba iwei I dei I Khynna ba dang 4 snem ka rta bad arngut pat ki briew ki dang jah rngai haduh mynta na Rongsa Awe.

U Myntri Rangbah un sa leit ban iakynduh ia ki bahaiing hasem jong kine ki briew ba iap bad un sa leit sha Siju bad Karukol da ka lieng, ka jingleit ba shimpor kumba 2 kynta shiteng bad hap iaid haduh 6 km ban poi sha ki longiing ha Siju bad Rongsa Awe.

U Myntri Rangbah un sa sam ruh ia ka song jingiarap ba T. 4 lak na ka bynta kiba iap ha kane ka jinglynshop ki bor ka mariang sha ki bahaiing hasem.

Haduh 30 tylli ki Shnong kynthup ia ka Siju, Emangre, Jadi, Nongalbibra, Karukol, Maheskola, Kalu, Kanai, Bonbera, Rongru Asim kila dkut thui na ka jingpyniasoh bad ka Baghmara kaba dei ka District Headquarter jong ka South Garo Hills. U Myntri Rangbah ula bthah ia ki Ophisar ba kin maramot noh ia ki surok bad ka jingpynpoi bording sha kine ki shnong.

Ki Ophiar kila pyntip ba ha kine ki 2-3 sngi ban wan, yn sa pyndep noh ia ka jingmaramot ia ka surok NH-62 bad ban sdang pyniaid noh ia ki kali saw shaka. Kila pyntip ruh ba kan shimpor kumba 20-25 sngi ban shna pynbna ia ka surok ha ka ban lah pyniaid ia ki kali heh.

Shuwa kane, u Myntri Rangbah ka Jylla ula leit ban iuhkjat ha Dalu Block, West Garo Hills bad shong bishar ia ki jinglong jingman bad ki Ophsar ka District. Ha ka thaiñ Dalu, kumba 5 tylli ki jingkieng kila julor ba pyndkut ia ka leit kawan sha kiba bun ki Shnong.

Share post:

spot_img

Popular

More like this
Related

Kuki Apex body opts to abstain from voting for the upcoming Lok Sabha elections

Imphal, Apr 16: The Kuki Inpi Sadar Hills, apex...

Congress leader slams BJP for using ED and CBI against opposition leaders

Dibrugarh, April 16: Congress leader Pawan Khera on Tuesday slammed...

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...