Shillong, Naiwieng 29 : U Myntri Rangbah ka Jylla Conrad K Sangma ha ka sngi Balang ula lum ia ka jingialang shong bishar kam halor ka jingpyntreikam ia ka Pradhan Mantri Awas Yojana (PMAY) bad pyntip ba ka Meghalaya kala buh thong ban pynioh iing ia palat 1.40 lak tylli ki longiing hapoh une u snem mang tyngka ba mynta.
Haba iakren bad ki nongthoh khubor, u Conrad ula ong ba une u snem ba mynta u dei u snem ba kongsan bha ia ka PMAY.
“tang ban shu ai ia ka jingianujor ha kine ki 4 snem bala lah, ka thong jong ka Jylla ka long kumba 40,000-50000 iing bad ha une u snem ba mynta 2023-2024, ngi lah buh thong ba 1.40 lak ki longiing” ula ong.
Reviewed performance of Districts in the implementation of the PMAY (Gramin) scheme in the meeting with Deputy Commissioners and Departments today.
The team has been instructed to focus on their targets, conduct field visits, resolve pending issues in the scheme’s… pic.twitter.com/bXcCu9Do03
— Conrad K Sangma (@SangmaConrad) November 29, 2023
Ula ong “Kane kala urlong namar ngi la pynkhlain ia ka jingiakren bad ka Sorkar India bad ngi kwah ban buh ia ka thong ba lah ban pyndep ia baroh ki Iing ba dang sah kiba don ha ka thup”.
U Myntri Rangbah ula ong “Ngi sngewtynnad ban pyntip sha phi ba ka Sorkar India kala ai ka jingiatreilang bad ngi la iakren na ka por sha ka por ia ki jingdonkam baroh bad mynta kala pyllait ia ka song pisa jong ka wat kaba ar. Kumba T.800 klur la dep ban pynlut bad jan baroh ki kam kila iaid shaid shaid bad ngin iohi ba ki kam kin sa sdang noh ha baroh kine ki iing”.
Haba pyntip ia ka jingsngewskhem ban kynjoh ia kane ka thong kaba heh, u Conrad ula ong “Ngi kyrmen skhem, kane ka dei ka aiom trei, bad ngin lah ban pyndep ia 1.40 lak ka thong ba ngi la buh bad lada kane ka urlong shisha, kan dei ka jingjop kaba khraw eh ia ka Tnad bad ka Sorkar baroh kawei bad ki nongioh jingmyntoi ruh ia ka skhim kin sa ioh noh ia kine ki Iing”.
