Shillong K’lyngkot 24: Ka Meghalaya Human Rights Commission (MHRC) ha ryngkat ka jingiatreilang bad ki bor pyniaid District bad ki District & Session Judge, ka West bad East Garo Hills, kila pynlong ia ka Camp sitting ne ka jingshong bishar ia ki mukotduma ba kyrpang ha kine ki district kiba iadei bad ka jingpynkhein ia ka hok longbriew manbriew.
Kane ka jingshong bishar kala sdang naduh ka 17 tarik Kyllalyngkot haduh ka 20 tarik kaba long saw sngi lynter. Haduh 46 tylli ki mukotduma la shong bishar ha kine ki sngi ha kaba baroh arngut ki dkhot ka Commission ba kynthup ia u Bah PJP Hanaman bad Kong B Giri kila iadonlang ha ryngkat ki nongtrei jong ka Commission.
Ka jingthmu jong ka Commission ban pynlong ia katei ka Camp ka long ban pynsuk ia ki nongujor ban iashimbynta ha ki jingtian bishar ia kitei ki jingujor khamtam haba ki hap ban mih na rilum Grao Hills ban leit shaduh sha Nongbah Shillong bad lut iaka pisa ka tyngka.
Bun ngut ki nongujor kila wan iashimbynta ha katei ka Camp bad kila ioh ia ki jingbishar kat kum ka jinglong ka mukotduma.
