Shillong Jymmang 24: U MLA ka North Shillong Constituency, Bah Adelbert Nongrum namar ka jingshitom jur, hynne ka step jong ka sngi saitjain la pynkit noh ia u mardor sha CMC Vellore da ka Air Ambulance.
Ki tyllong khubor kila iathuh ba u Bah Adelbert ula don hapdeng ka jingshah sumar ha Dr H Gordon Roberts Hospital, Shillong bad ula shah sumar ha kane ka hospital mynta la jan shi bnai.
La iathuh, ba ha kine ki khyndiat sngi kiba la dep, u Bah Adelbert ula ud suh bad ula sdang kem tlot ruh bad kumta la rai ban kit noh mardor ia u Bah Adelbert sha CMC Vellore na ka bynta ban ioh ia ka jingsumar kaba kham bha bad janai.
La pynkit noh da ka Ambulance ia u Bah Adelbert Nongrum sha Umroi Airport bad nangne pat la kit noh ia u da ka Air Ambulance ban ialam mardor sha CMC Vellore.
