Shillong, Nohprah 21: U Myntri Sorkar barim ka Jylla James PK Sangma, u la shah jied kum u President ka Meghalaya Cricket Association (MCA).
Ha kane ka kynti, nalor u James, ka kam vice president ka leit sha Rajiv Bareh, katba u bah Rayonald Kharkamni, un iai bat kum u Honarary Secreatry, katba ka kam jong ka Honorary Joint Secretary ka leit sha Mebanphira Swer, Honorary Treasurer Eddystone Shylla bad Apex Council Member Chuba R Marak.
Kumta haba khmih bniah ia kane ka election ka MCA, ki dkhot kiba la rung sha ka kynhun ka Apex Council ka long da ki nong mihkhmat na jan baroh ki dong bad ki thain jong ka jylla.
Ka elelction jong kane ka jingpynthymmai ia ki nongkit kam, la pynlong ia ka myn ha ka 19 tarik mynta u bnai Nohprah, kabala wan hadien ba la pynbna ia ka electoral roll ha ka 27 tarik u Naiwieng, katba ka jingsdang ban thep ia ki kyrteng (file nomination) la pynlong ha ka 1 tarik u Nohprah, kaba hange baroh ki kot ki sla ba la thep da ki kyrteng ba iakhun ia ki kam bapher bapher la lap ba ki biang lut, lait noh tang uwei u kyrtong uba la wan shakhmat ban weng hi noh ia la ka jong ka kyrteng ka jong u ha ka 2 tarik u Nohprah.
.){kind=link}