Guwahati, Nohprah 15 : U Director General of Police GP Singh, ha ka sngi Thohdieng ula pyntip ba ka National Investigative Agency (NIA) kan tohkit ia ka jingpynbthei ia lai tylli ki bomb grenade dang shen ha Upper Assam.
Haba iakren bad ki nongthoh khubor, u DGP ula ong “Ka kynhun jong ka NIA kan sa wan poi ha Guwahati ban tohkit ia ki jingpynbthei bomb bad ia baroh ki jingtip bad ki sakhi bala lum, yn sa aiti noh sha kane ka kynhun”.
“Yn ym map satia ia kino kino kiba donkti. Ngin leh da kaba tyngeh pyrshah ia ki, kiba kwah pynthut ia ka jingshongsuk ha Assam” ong u DGP.
Une u Heh Pulit ula ong ruh “Ka kynhun ULFA-I ka long kaba laitluid ban pynkylla sohpdung ia nga. Nga sah ha Kahilipara, phi long laitluid ban pynkylla sohpdung ia nga”.
U Singh ula kyntu ia kane ka kynhun kaikhlaw ba kan ym pynthut ia ki paid nongshongshnong ka Assam.
 kan tohkit ia ka jingpynbthei ia lai tylli ki bomb grenade dang shen ha Upper Assam.){kind=link}