Shillong, Dec 4: Ka jylla Meghalaya hynne ka lah sngi u Blei kala pynlong iaka Meghalaya Farmers’ Parliament kaba Lai ha State Convention Centre, da ka jingthmu ban rakhe bad ban ithuh iaka jingtrei shitom jong ki nongrep.
Ha katei ka jingialang kaba ar sngi kan long kum ka rynsan naka bynta ki nongrep ba kin iakren halor kiba bun ki mat, ban shim ia ki sienjam ban kyntiew iaka rep ka riang da kaba bud ruh ia ki rukom leh tynrai, ban iathuh shaphang ki khana jop jong ki nongrep da ka jingthmu ban ai mynsiem ia ki nongrep ba kin lah ban trei bad pynmih khambun ia ki mar rep.
Haba kren ha ka jingialang u Myntri Rangbah ka jylla u Conrad Sangma ula ong, ba ka Farmers’ Parliament ka long ban ithuh ia ki kam jong ki nongrep bad ban kyrshan ia ki bad ban pynsaphriang ia ki kyrwoh khubor ba ka sorkar ka don ryngkat bad ki khnang ba kinlah ban pynbha iaka rukom im ka jongki da kabarep ba riang.
Ula ong ba ki nongrep kidei kiba la don lypaha ki kam rep kam riang hynrei tang katto katne eh ki donkam iaka jingkyrshan kum ka jaka buh ia ki marrep, ka jingpynkit, ka jingbei tyngka bad ki polisi treikam ban pynlong ia ka rep ka riang kaban biang bad ban bha ka kamai kajih.
U Myntri Rangbah ula ong ba ka Regeneration Meghalaya Program, kadei kaba ula plie kadei shi bynta jong ka jingthmu bad ka thong kaba iar.
“Lyngba katei bad kiwei kiwei ki program kiba iasyriem jong ki tnad sorkar bapher ka Meghalaya kila sdang bad kila iaid shakhmat mynta ban pyni ia ka lynti” ong u Conrad.
Ula ong ba ka long kaba donkam ban mad bad ban shimkhia ia ki jingeh kiba don ha ka liang ka rep ka riang.
“Haba ngi iaid shakhmat, ngi nang la tip lyngba ki jingbakla bad na ki jingeh kaba ngi mad bad ngim lah ban kyntait ia ka jingshisha bad ki don bun bah kiba donbynta bad kibabun jait ki kam kiba jia ha kylleng ki jaka hynrei ngi hap ban wanrah lang ia kine shi jaka bad ban iaid lang ha ka program kaba kyrpang da kaba buh hakhmat ia ka thong kaba ngi don” ong u Myntri Rangbah.
Ula ong, ruh ba kano kano ka program ba kan long kaba seisoh, ka imlang sahlang kadei ban donbynta lang, kiban pyniaid shakhmat ia ka program bad ban pynthikna ba ka program kana long kaba neh ba sah bad kaban iaid shakhmat bad ula kyntu ruh ia ki donbynta ha ka Regeneration Meghalaya Project ban wanrah iaka jingiadei bad ka imlang sahlang bad ha ki shnong ki thaw khnang ba ka program kan long kaba seisoh bad kaba jop.
“Ha kane ka sngi jong ki nongrep, ngi ithuh bad ai burom ia ka jingnoh synniang kaba khraw jong ki 4.5 lak tylli ki longiing ha ka rep ka riang kiba la kyntiew ia ka jylla” la pynkut u Myntri Rangbah.
U Myntri Rangbah ula sam ruh ia ki ‘cheques’ FOCUS bad PES sha ki nongioh jingmyntoi bad kumjuh ruh ia ki nongioh jingmyntoi lyngba ka Piggery Mission.
Kum shi bynta jong ka Meghalaya Farmers’ Day, u Conrad ula plie ia ki 11 tylli ki Processing Facilities bad 4 tylli ki Cold Storage.
Glad to see the confluence of agricultural experts, policy makers and farmers in the two-day parliament. Certain that the valuable insights through their interactions will greatly help in addressing the evolving needs of our farming community and equip them with the skills and… pic.twitter.com/hufQH3XZS0
— Conrad K Sangma (@SangmaConrad) December 4, 2023
