spot_img

Shillong Premier League | Pynrem kput ka Shillong Lajong ia ka Langsning da shiteng dorjon

Date:

Share post:

Shillong, Rymphang 28: Ka Shillong Lajong FC kala pynrem ia ka Langsning FC da 6-0 ha ka OC Blue Shillong Premier League 2024 kaba la long hynne ka sngi Thohdieng ha SSA Stadium, First Ground, Polo.

Ia kitei ki kol la thep da u Deibormame Tongper ha ka 9 minit, u Samchaphrang Lato ula thep ha ka 26 minit, u Yohaan Benjamin ula thep kol ha ka 30 minit, u Remark Kharmalki ula thep ha ka 76 minit, u Babysunday Marngar ha ka minit kaba 80 bad u Mebannangkiew Thabah ula thep ha ka minit kaba 90+2 na ka bynta ka Lajong.

Ka Lajong mynta kala kamai 39 Point bad kala bat ia ka kyrdan ka baar, katba ka Mawlai kaba la kamai 41 kala tam da 2 point ia ka Lajong.

Shillong Premier League | Pynrem kput ka Shillong Lajong ia ka Langsning da shiteng dorjon

Kane kaj ingiakhun kadei kaba khatduh ia ka Langsning ha kne ka samoi ialehkai bad kala ioh ban kamai 24 point bad don ha ka kyrdan kaba saw, hynrei ka Laitkor kaba la ioh 23 point bad ka Nangkiew Irat kaba la ioh 22 point, ki dang sah sa kawei ka jingiakhun ha ka SPL bad lada ki khur ia ka jingjop ki lah ban tam point ia ka Langsning.

Naduh bas dang ka jingiakhun, ka Lajong kala ialehkai bha bad hapoh jong ka 10 minit kala ioh ban thep ia ka kol bad kane ka jingthep kol ka Lajong kala iai bteng ban thep sa 2 tylli ki kol ha ka kylla step bad 3 tylli ha ka kylla miet kaba la pynjem khnap syndon ia ka Langsning.

Ki rangialehkai ka Langsning kila ioh ia ki kabu ban thep kol ha ka kylla step bad ha ka kylla miet hynrei kine ki kabu kila kylla long lehnohei noh haba ki nongailehkai kim shym la lah ban thep ia ka bol shapoh kol.

Ka jingiakhun ha ka Sngi Saitjain kan long hapdeng ka Nongthymmai pyrshah ia ka Mawlai ha ka por 3 baje mynsngi. Ka Mawlai kala dep ban pynrem teng ia ka Nongthymmai ha ka 15 tarik u Kyllalyngkot da 2-1.

Share post:

spot_img
spot_img

Popular

More like this
Related

U Sohtrun ka Meghalaya uba shngiam bad ba thiang tam ; ong u Myntri Shivraj Singh Chauhan

Shillong, Nailar 01: Ka Meghalaya Pineapple Festival kaba 3...

Thoh ka NPP sha u CM ka Chhattisgarh | Kyntu u Conrad ban weng noh ia ka case ki Nun

Shillong, Nailar 01 : Ka National People’s Party (NPP)...

Leit shong kyllain mungor ki nongshong dukan madan ka seng MGSPHSVA ha Ophis SMB

Shillong, Nailar 01 : Ki nongshong dukan madan kiba...

Mih paidbah ha NGH ban dawa shimkhia ia ki bor Sorkar halor ka jingjah I Khynnah

Shillong, Nailar 01: Palat 12 tylli ki kynhun jong...