Shillong, Lber 22: Ka Shillong Lajong FC kala pynrem ia ka Langsning FC da 3-2 ha ka jingiakhun ia ka Football jong ka Shillong Premier League 2023 kaba la long ha SSA Stadium ha First Ground, Polo, hynne ka sngi.
Mar ia sdang ka Lajong kala ioh thep ia ka kol ha ka 3 minit lyngba u Deibormame Tongper bad hadien kane ha ka minit kaba 8 kala ioh ia ka kol kaba ar lyngba ka jingbakla u nongialehkai ka Langsning u Lukas Syngkli bad ha ka minit kaba 28 u Glady Kharbuli ula ioh thep ia ka kol kaba lai na ka bynta ka Lajong.
Katba ka Langsning kala ioh thep ia ka kol kaba nyngkong da u Overkindness L Mawnai ha ka minit kaba (45’+2) bad u Nelson Rymbai ha ka minit kaba 49.
Ka Langsning kala ioh ia ka kabu ksiar ban pyniakhaid baka Lajong hynrei haba u kapten ka Langsning u Sheen Sohktung ula leit shut ia ka penalty ym shim la lah ban thep shapoh kol na ka jingtbit jong u nongapkol ka Lajong u Ngamsamlena Haokip uba la ioh ban iada ia katei ka bol ban rung shapoh kol.
Lashai ka sngi, ka jingiakhun kan long hapdeng ka Mawlai SC kaba la long ka lahduh ha ka SPL pyrshah ia ka Ryntih SC ha ka por 3 baje mynsngi.
