Shillong, Jymmang 22 : U President ka United Democratic Party (UDP) Bah Metbah Lyngdoh ha ka sngi Thohdieng ula ong ba ka party kan sa shim rai ia u kyrtong naka bynta ka elekshon shiteng samoi ka Shillong Lok Sabha ha kine ki arsngi ban wan.
“Ka party kala sdang ia ki kam ban jied ia u kyrtong sha ka elekshon shiteng samoi. Ka kam ka dang iaid mynta, bad ngi khmih lynti ba ngin lah ban shim rai hapoh ka shisngi ne arsngi” ong u Bah Metbah haba iakren bad ki nongthoh khubor.
Ula pynthikna ba ki don ar-lai ngut ki dkhot ka party kiba kwah ban iakhun ia kane ka elekshon hynrei ula ban jur ba ka rai ka shongeh ha ka jinglah ban jop ym tangba kwah.
“Ngi hap ban peot la u briew u kwah hok shisha ban iakhun bad ban shakri. Ngi kwah ruh ban iohi ia ka mat treikam ba kin wanrah. Ngi hap ban pynthikna ba ki mut hok shisha ban shakri ia ki paidbah lada ki shah jied” ula ong.
Halor ka jingpur ki khubor ba ka UDP kan pynieng ia u nongiasaid ain Bah VGK Kynta, u Bah Metbah ula ong “Ki don bun ki kyrteng. Bun na kiba kwah iakhun ki kwah ba ia ka rai dei ban shim ha ka kyrdan jong ka party. Ngin sa pyntip ia baroh ynda la dei ka por”.
U Bah Metbah u pyntip ba ka jingiakren bad ka Regional Democratic Alliance (RDA) ka dang iaid mynta bad yn sa shim noh kloi ia ka rai.
 Bah Metbah Lyngdoh ha ka sngi Thohdieng ula ong ba ka party kan sa shim rai ia u kyrtong naka bynta ka elekshon shiteng samoi ka Shillong Lok Sabha ha kine ki arsngi ban wan.){kind=link}