Shillong, Nailar 25 : Ka Trinamool Congress (TMC) kala rai ban nym iakhun ia ka elekshon shiteng samoi ka Shillong Lok Sabha namar kam don ia ka dur ka dar kaba biang, ong u President ka Jylla bah Charles Pyngrope ha ka sngi Ba-ar.
Une u MLA ka Nongthymmai ula iathuh pat ba kiwei ki seng sain pyrthei, kynthup ka Congress, kila khot ia ka TMC ban ai jingkyrshan.
“Ngim don ia ka dur ka dar kaba biang (ban iakhun)” ong u Bah Charles.
U bynrap ba ka Congress bad kiwei ki seng sain pyrthei kila pan ia ka jingkyrshan ka TMC na ka bynta kane ka elekshon shiteng samoi.
“Hooid, baroh kila pan ia ka jingkyrshan bad ki don ia ka hok. Ka NPP ruh kala pan, ki don ia ka hok ban leh ia kane kumta ka jingkylli ka long ba ka shong hangni kano ka lynti ba ngin shim” ula ong.
Haba kylli la ka TMC kala rai ban kyrshan ia kano kano ka party, u Bah Charles ula ong “Ia mynta, em”.
“La ngin long ki bym iashah iano iano ruh, ngin sa iapeit. Ngin sa shim ia ka rai halor kane” ula bynrap.
 kala rai ban nym iakhun ia ka elekshon shiteng samoi ka Shillong Lok Sabha namar kam don ia ka dur ka dar kaba biang, ong u President ka Jylla bah Charles Pyngrope ha ka sngi Ba-ar.){kind=link}