Shillong, Jylliew 11: U National Vice President ka National People’s Party (NPP) bad Symbud Myntri Rangbah ka jylla Bah Sniawbhalang Dhar u la pynpaw ia ka jingsngewskhem ba ka NPP kan jop ia ka elekshon shiteng samoi ka Shillong Lok Sabha ban wan, haba ai burom ia ki nongtrei jong ka Party kiba iai bteng ban trei iala ka kam ha kylleng ka jylla Meghalaya.
Haba kren bad ki lad pathai khubor u Bah Sniawbhalang ula ong “Ngi sngewskhem bha ban jop ha kane ka kynti da ka jingkyrshan jong ki paidbah jong ngi. Na ka liang jong ka party, ngi hap ban trei shitom. Nga ai khublei shibun ia baroh ki Unit bad ki nongtrei ka Party haki kyrdan bapher bapher ha baroh ki constituency. Ki unit jong ka NPP ki la trei shitom bha. Kumta, ka dei ka dak kaba bha na ka bynta ka elekshon MP shiteng samoi” ula ong.
Halor ki jingkylli halor ka jingbym buh kyrtong daki kynthei, u Bah Sniawbhalang u la ïada ïa ka rukom jied kyrtong jong ka NPP.
U la ong ba ia kane ka rai la shim hadien ba la pan jingmut na ki Unit jong ka NPP na kylleng ka Jylla.
“Kata phi lah ban kylli na ki. Na ka bynta ka NPP, ngim ju rai tang daki nongialam ba halor tam jong ka Party. Ngi ju sngap beit ia ki jingai jingmut na baroh ki unit jong ki 36 tylli ki constituency, ki la ai jingmut iaka kyrteng jong u Dr DRL Nonglait bad ngi hap ban pdiang ia kata” u la ong.
Ula kynthoh ruh halor ki khubor ba dang shen ba ki nongkyrshan jong ka VPP ki la kynriah sha ka NPP, khamtam ha ka thain Khasi-Jaintia.
“Hoid nga la ïohi ïa kata. Khamtam ha ri lum Jaiñtia, kala hiar haduh katta katta, wat ha ri lum Khasi ruh, man la ka sngi ka jingdon ki nongkyrshan ka VPP kala nang hiar ha kylleng ka thaiñ Khasi-Jaiñtia namar ki briew kila sdang ban sngewthuh,” u la bynrap.
 bad Symbud Myntri Rangbah ka jylla Bah Sniawbhalang Dhar u la pynpaw ia ka jingsngewskhem ba ka NPP kan jop ia ka elekshon shiteng samoi ka Shillong Lok Sabha ban wan, haba ai burom ia ki nongtrei jong ka Party kiba iai bteng ban trei iala ka kam ha kylleng ka jylla Meghalaya.){kind=link}