Shillong, Jylliew 11 : U Symbud Myntri Rangbah ba khmih ia ka Transport Bah Sniawbhalang Dhar ha ka sngi Palei, ula pyntip ba ia ka work order ban pynheh ia ka Shillong Airport lah dep ban aiti sha u contractor hynrei ym pat shym la lah ban pynsdang ia ka jingtrei namar u slap.
“Ia ka kam lah dep ban aiti bad ka jingpyntrei kan dang ban sdang. Kane ka dei kaba long mynta. Ha ka jingshisha kila dei ban sdang ia kam namar lah dep ban ai ia ka work order. Lehse, namar u slap, kumta la pynslem ia ka jingpyntrei” ong u Bah Sniawbha.
Haba kren halor ka jingpynslem, ula pynshai ba ia ka tender la khot tad hadien ba la ioh lut ia baroh ki jingai jingbit.
“Ngi la ioh ia ki jingbit, ta ka daw ngi la khot tender. Ngi la ioh ia ka jingbit ban pyntrei ia ka project ha ka jaka ki shipai. Ta ka daw ngi la slem” ula ong.
