Shillong, Risaw 31 : Ka Sorkar Jylla kan sa thungkam noh shen ia palat 1,500 ngut ki briew ban pyndap ia ki jaka ba thylli hapoh ka Tnad Pulit.
Haba pyntip ia kane hadien ka jingialang ka Kynhun Myntri hynne ka sngi Ba-ar, u Myntri Sorkar Marcuise N Marak ula ong “Ngi la mynjur ia ka revised uniform guidelines ban thungkam ia ki Pulit hapoh ka Tnad Meghalaya Police”.
U Principal Secretary ka Tnad Personnel Bah CVD Diengdoh ula ong ba kane ka dei ka jingthungkam ha baroh ki kyrdan jong ki Pulit naduh ki Sub Inspector, armed branch constable bad unarmed branch constable kynthup ki fireman bad MPRO operator.
Cabinet approved the rule for the conduct of Departmental Examination, 2023 for Officers of the Indian Police Services(IPS). Previously, Departmental examinations for IPS officers was conducted by the UPSC for promotions which now will be conducted by the MPSC in the state.…
— Conrad K Sangma (@SangmaConrad) October 31, 2023
Ka Central Recruitment Board (CRB) kala pyniaid ia ka eksamin thungkam ia ki Pulit kat kum ki Rules.
“Ngi la iohi ha ki snem bala leit ba kine ki jingthungkam ki shimpor bha ban dep namar kiba bun ki rule..ta ka daw ngi la pyrshang ban pynbeit ryntih ia ki rule khnang ban gin lah pynthikna ba ka jingthungkam kan dei kaba pyndep ha ka rukom kaba janai, kaba shai bad kaba kloi” ula ong.
Halor ka jingkylli, u Bah Diengdoh ula ong ba ki don haduh 1500 tylli ki kam kiba lait hapoh ka Tnad Pulit.
“Hadien bala dep ban pynkylla ia ki Rules, ngin sa pynmih jingpynbna bad hadien ngin sa pynbna laitkam ia kine ki kam kiba lait bad ka CRB kan sa pynthikna ba kan pynlong bad pyndep noh kloi ia ka eksamin rungkam” ula ong.
Ha kajuh ka por, ka Kynhun Myntri kala mynjur ruh ia ka Rules ban pynlong ia ka Departmental Examination, 2023 ia ki Ophisar jong ka Indian Police Services (IPS).
“Ha ka jingshisha ia ka Departmental Examination ia ki Ophisar IPS la ju pynlong da ka UPSC ban pynkiew kyrdan, hynrei mynta yn sa pynlong noh da ka MPSC hangne hapoh ka Jylla” ong u Marcuise.
