Shillong, Naitung 26: U Myntri Rangbah ka Jylla Conrad Kongkal Sangma, hynne ka sngi nyngkong ula pyntip ba shen ka Sorkar kan sa thung ia u/ka Chief Secretary ba thymmai jong ka Jylla.
“Hooid ki kot ki sla jong u/ka Chief Secretary ba thymmai kila iaid mynta bad ka kyrteng kan sa mih ha kine ki shisngi arsngi duh” ong u Conrad haba iakren bad ki nongthoh khubor hadien ka jingialang jong ka Kynhun Myntri.
U Myntri Rangbah ula ai khublei ruh ia ka Chief Secretary ban leit noh Kong Rebecca Suchiang halor ka synniang ba kala ai ia ka Jylla. Ka Kong Rebecca kan sa shongthait noh mynta u bnai.
“Mynta ka sngi ka dei ka sien khatduh ba kan iadonlang ha ka jingialang jong ka kynhun Myntri. Kala noh synniang shibun eh bad nga da sngewnguh ia ka bad nga kitbok ia ka na ka bynta ka lashai ka lashisngi” ula ong.
Haba kylli la u Additional Chief Secretary Bah DP Wahlang un long u Chief Secretary ba thymmai ka Jylla, u Myntri Rangbah ula kyntait ban iathuh da kaba ong “Phin sa tip hi”.
