Shillong, Nailar 28 : U Myntri ka tnad Excise Bah Kyrmen Shylla, ula pyntip ba ka Sorkar kan sa pyntreikam noh shen ia ka QR code tracking system ha ka tnad Excise ban pynthikna ba kan nym don shuh ka jinglait tuh ka khajna kyiad.
Haba iakren bad ki nongthoh khubor, u Bah Kyrmen ula ong ba ka Tnad nyngkong eh kala buh ban sdang pyntreikam naduh u bnai Nailar hynrei, ia kane ka por la pynjlan noh namar ka jingkyrpad na ki nongdie kyaid bad ka jingdonkam ban donlang u Myntri Rangbah haba pyllait ia ka.
U Myntri u kyrmen ban sdang pyntreikam ia ka QR code tracking system hashuwa ka jingsdang jong ka Dorbar Synrai ban wan, kaba shong eh ha ka jinglap por u Myntri Rangbah ka Jylla.
Haba kylli, u Bah Kyrmen u pyntip ba ka Tnad kala trei shitom ban pyntam ia ka jingioh lum khajna jong u snem bala lah.
Watla um don satia ia ka jingkhein bad u, u Myntri ula kular ba ka Tnad kan trei shitom ban kynjoh ia kane ka thong.
