Shen yn plie noh ka Sorkar ia ka State Zoo ba nyngkong eh ka Jylla

Date:

Share post:

Nongpoh, Nohprah 10 : Ka Sorkar Jylla kala pynkhreh shaid shaid ia ki jingdonkam baroh ban lah plie noh ia ka State Zoo ba nyngkong eh ka Jylla ha kine ki khyndiat bnai ban wan.

U Nongthoh khubor uba la buddien ia ka jingshna ia ka Zoo, ula ioh ban leit khmih ia ki jingtei kiba dang iaid shaid shaid mynta da ka jingthmu ban lah pyndep noh kloi ia ki. Ki jingtei ki kynthup naduh ki sem ban buh ia ki mrad bad ka Ophis treikam.

Lah ban kdew hangne, ia kane ka State Zoo ka Jylla kaba ju mih kot khubor man ka por, la buh mawnongrim da u Myntri Rangbah ka jylla Conrad K Sangma ha ka 1tarik Risaw 2019 ha ka sngi pynhap pyrda ia ka Wildlife Week.

Ia kane ka State Zoo la mang ban pyntrei ha ka jinglut jingsep ba kot T. 17 klur.

Ha kane ka prokram, u Myntri Rangbah ula ong ba ki jingkylla kin ym lah lait bad haba iaid ryngkat bad ki jingkylla jong ka pyrthei, ka dei ban don ka jingpynbiang tarajur hapdeng ka ioh ka kot bad ka mei mariang.

Ula ong ba ka Meghalaya ka dei kaba la kyrkhu da ka spah mariang bad ka dei ka kamram jong baroh ban pynneh pynsah bad sumar ia kane ka jingdon jingem ka mariang.

Kane ka Zoo kan dei ka jaka kaba ki briew khamtam ki khynnah kin ioh ia ka lad ban iohi ia ki mrad khlaw jong ka Jylla ba kin nang ban sumar bad burom ia kine ki mrad, ula bynrap.

Share post:

spot_img

Popular

More like this
Related

Shillong Cricket Association wins U-15 Girls Inter-District Tournament 2025

Shillong, March 13: The Shillong Cricket Association (SCA) clinched...

Conrad promises action on complaints of substandard NH 6 repairs

Shillong, March 13: Meghalaya Chief Minister Conrad K. Sangma...

Buh mawnongrim u Dr Jitendra Singh ban tei ia ka NECTAR ha Mawdiangdiang

Shillong, Lber 13: U Myntri ka Sorkar Pdeng Dr....

Haduh khyndai ki kynhun tem kin iakhun ia ka nam Meghalaya Icon 2025

Shillong, Lber 13: Ka Meghalaya Icon 2025 kaba dei...