Shillong, Iaiong 25 : Ka Sorkar Jylla shen kan sa khot ia ka jingialang bad ki lai tylli ki Autonomous District Council (ADC) shuwa ban shim ia ka rai ba khatduh halor ka jingtyrwa ban pynkylla thymmai ia ki kyndon jong ka Sixth Schedule ka Riti Synshar ka Ri India.
Haba pyntip ia kane hynne ka sngi Ba-ar, u Symbud Myntri Rangbah ba khmih ia ka District Council Affairs (DCA) Bah Prestone Tynsong ula ong “Shen ngin sa shong biang bad ki bad ngin sa phah ia ka draft ba khatduh sha ka Sorkar India lyngba ka Ministry of Home Affairs”.
Haba pynpaw ba ka jingpynkylla ia ki kyndon kala don ha ka bynta ba khatduh, u Bah Prestone ula ong “Ta ka daw nga la kyntu ia u CEM ka KHADC ban shong jingialang para ma ki kaba mut baroh lai tylli ki ADC bad ban ai ruh sha ngi ia ki jingai jingmut halor ki kyndon namar kumba long mynta ka Village Council ka dei ka jingeh bad kaba ar ka dei ka ‘Unrepresented Tribe’ kaba ki pyrshah jur bha bad wat ka Sorkar Jylla ruh ka pyrshah”.
