Shah ujor FIR ka Mahua Moitra halor ka jingkynthoh ia ka jait ‘Gogoi’ ha twitter

Date:

Share post:

Guwahati, Naitung 16 : Ka kynhun seng ha ka thain shatei ka Assam ka la ujor da ka FIR pyrshah ia ka MP ka Trinamool Congress, ka Mahua Moitra halor ka jingkynthoh bein ka ba ktah ia ka jingsngew jong ki nongshong shnong ki ba dei ki Assamese.

Ia kane ka jingujor sha ki bor pulit la ujor pyrshah da ka Jatiya Sangrami Sena, Asom, ha Sivsagar district hynnin ka sngi Thohdieng ha ka ba ka la dawa na katei ka MP ba ka dei ban pan map mardor namar ka jingpyniasoh ia ka jait ‘Gogoi’ bad ki kam kynshlein ne sexual harassment lyngba ka twitter.

Ha ka FIR, u Pranab Chetia, President ka Sivasagar unit u la kynnoh ba katei ka jingkynthoh jong ka Moitra lyngba ka twitter ka dei ka ba la buh bujli da ka kyntien kam kynshlein ha ka jaka jong ka kyntien Mr. Gogoi ka ba pyni shai halor ka jingthmu ban pynjah burom ia ki trai shnong ki ba dei ki nongshong shnong ka Assam.Halor kane u president u la kyntu ia ki bor jong ka ain ba kin iada ia ka burom ka ijot bad ia ka jinglong trai shnong jong ki nongshong shnong ki ba dei ki Ahom bad ban shim ka jingpynshitom pyrshah ia ka Mohua Moitra.

Kane ka Lok Sabha MP ka Trinamool ka la pynmih ia ka kynrum kynram hadien ba ka la thoh ha ka twitter; “Kawei na ki jingthoh ba nyngkong lyngba ka twitter halor ka jingwanrah bujli ia ki kyntien ki bym iahap hapoh ka parliament.Pynduh noh ia ka kyntien Sexual Harassment wanrah da ka kyntien Mr. Gogoi.”

Ka Mahua ka la kdew halor ki kynrum kynram ki ba la mih halor ki khubor ka jingkhang pyrshah ia ki katto katne ki kyntien ban pyndonkam hapoh Parliament, kata watla u Lamphang ka Lok Sabha u Om Birla u la kyntait halor kano kano ka jingwanrah jingkylla.
Kane ka jingkynthoh jong ka Moitra ka la pynkhih bitar ia ki ba bun ki nong pyndonkam social media ha Assam, namar ka jait Gogoi ka dei ka ba kynrei bha hapdeng ki nongshong shnong ki ba dei ki Ahom ha ka jylla.

Na ka liang u nong jop ia ka khusnam National award halor ki kam phlim u la kynthoh jur ia ka Moitra halor kine ki jingpynpaw ki jong ka bad ai jingmut ruh ia ka ba kan jer beit ia ka kyrteng jong ki briew ki ba ka don ha ka jingmut jong ka.

Kham hadien, ha kawei pat ka jingpynpaw lyngba ka twitter, kane ka MP ka Trinamool ka la thoh; “Tang na ka bynta ki nongkyrshan ka RSS, kata da ka ba ong Mister Ranjan Gogoi u MP ba donburom ka Rajya Sabha.”

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...