Agartala, Jymmang 24: U Myntri Rangbah ka Tripura Manik Saha ha ka sngi ba-ar ula pyntip ba ka Sorkar Tripura kala thung ia u Nongialam cricket barim ka India bad President barim ka BCCI Saurav Ganguly kum u Brand Ambassador jong ka Tripura Toursim.
U Saha ula pyntip ba ula iakren hi dalade ia u Saurav Ganguly lyngba ka phone bad pynpaw ia ka jingsngew shaniah b aka jingdon bynta lem jong une u rang ba pawnam ha ka jingialehkai cricket ha ki jingialap ban kyntiew ia ki kam jngohkai, kan iarap shibun ban kyntiew ia kane ka kam hapoh ka Jylla.
U Ganguly ula pynpaw ia ka jinglong ba kloi ban long u Brand Ambassador ka Tripura Tourism hadien ba u Myntri ka Tnad Toursiem u Sushanta Chawdhury, ula leit iakynduh ia u hapoh ka Iingsah ha Kolkata.
Hadien, u Chowdhury bala iadonlang u Ganguly bad ki Heh Ophisar ka Tripura, ula ong “U Dada ula mynjur ia ka jingtyrwa jong ngi ban long u Brand Ambassador”.