Sdang ka jingiakren pud ka Assam-Meghalaya, rai ki CM ban iahiar jurip sha WJH bad Karbi Anglong

Date:

Share post:

Shillong, Jymmang 24: Ki Myntri Rangbah ka Jylla Assam bad Meghalaya kila shim rai ban iahiar jurip lang sha West Jaintia Hills bad Karbi Anglong ha u bnai Jylliew kum shibynta ban pynheh mynsiem ia ki nongshongshnong khamtam hadien ka jingmih ka jingiakynad hapdeng ki Khasi-Pnar bad ki Karbi dang shen.

Kine ki Myntri Rangbah kila shim ia kane ka rai ha ka jingialang ban pynsdang ia ka jingiakren pynbeit pud jong ka wat kaba ar na ka bynta ki 6 tylli kiwei pat ki jaka ba iakajia ba dang sahteng, kaba long ha State Guest House ha Guwahati.

Haba iakren bad ki nongthoh khubor, u Myntri Rangbah ka Assam Himanta Biswa Sarma ula ong “Naduh mynta ka sngi, ki Regional Committee jong ki artylli ki Jylla kin sa sdang noh ia ki jingialang, jingleit jurip ia ki jaka ba iakajia. Hapoh u bnai Jylliew, ha ki taiew ba kut jong u Jylliew, u Myntri Rangbah ka Meghalaya bad ma nga,ngin sa iahiar jurip ia ka Karbi Anglong ban Jaintia Hills, kaba don mynta hapdeng ka jingiakynad kum shibynta ban wanrah pat ia ka jingshaniah”.

“Ki paidbah na baroh arliang kin don ia ka jingsngew shaniah bad kin ioh ia ka jingkular ba ki Sorkar Jylla na baroh artylli ki Jylla kin sa pynbeit noh ia ki jingiapher jingmut, jingiakajia pud da ka mynsiem ban pynneh ia ka jingsngew paralok hapdeng ki paidbah na Meghalaya bad Assam” ula ong.

Ula pynpaw ruh ia ka jingkyrmen ban pynbeit ia kane ka kam bad ka jingiapher jingmut lyngba ki jingiakren bad ka jingia shaniah mar kylliang.

Ki Regional Committee kin sa aiti ia ki kaiphod hapoh ki taiew ba khadduh u bnai Naitung bad ynsa pynbud pat da ka jing ialang bishar kam hapdeng ki arngut ki Myntri Rangbah.
U Myntri Rangbah ka Jylla Conrad K Sangma ula ong ba kane ka dei ka jingsdang jong ka kam ban wad ia ki lad ki lynti ha ka ban iapynbeit noh ia ki jingiakajia ha ki hynriew tylli ki jaka bala buhteng.

“Ngi la bthah ia ki Regional Committee ban leit lum ia ki jingtip bad sdang ia kajuh ka kam kumba la leh ha ka wat kaba nyngkong jong ka jingiakren. Ngin sa iasyllok bad ki kynhun bapher bapher bad ngi kyrmen ba ngin sa ioh noh kloi ia ka kaiphod. Kin don katto katne ki jaka kiban shim por bad don ruh kiban sted bha ka kam” ula ong.

U Conrad ula ban jur ruh ba ki arngut ki Myntri Rangbah kin sa hiar jurip ha West Jaintia Hills bad Karbi Anglong, kaba dang don ha ka jingiakynad, haba kyntu ia ki nongshongshnong ban wanrah noh ia ka jingsuk bad kular ruh ia ki paidbah ba ki ar Sorkar kin sa wanrah ia ka lynti ban pynbeit lut noh ia kiei kiei baroh.

“Nga sngew skhem ha ka jingialam jong u Myntri Rangbah ka Assam bad ka Sorkar India bad ngin sa wad ia ka lynti ban pynbeit noh ia kane ka kam da ka jingiashaniah markylliang bad jingialong paralok” ula ong haba bynrap “Ha kajuh ka por, ngi la kyntu ia ka Survey of India ba kan bteng ia ka jingiaid sorjamin jong ki jaka ba hynriew tylli bala dep iakren pynbeit bad ban pyndep noh kloi ia ka sorjamin”.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...