Shillong, Nailur 27 : U Additional Chief Secretary Dr Shakil P Ahammed ula shah thung kum u Chief Secretary ba thymmai ka Jylla Meghalaya.
Ka jingpynbna bala pynmih da u Commissioner & Secretary ka Tnad Personnel & AR(A) Bah CVD Diengdoh ha ka sngi Thohdieng ka ong, “U Dr Shakil P Ahammed, IAS (RR:1995), Additional Chief Secretary ka Tnad Home (Police), Home (Political), Water Resources departments, Additional Chief Secretary, Corporate Social Responsibility (CSR) bad Chairman, Board of Revenue ula shah thung kum u Chief Secretary ka Meghalaya ka ban treikam naduh ka sngi ba shongthait noh u Bah DP Wahlang kum u Chief Secretary ha ka 30 tarik Nailur 2025”.
“Daka jingshimti ia ka kam Chief Secretary, u Dr Shakil P Ahammed, un trei kum u u State Vigilance Commissioner, Meghalaya” la bynrap.
