Shillong, Jymmang 18 : Saw tylli ki trok kit dewbilat ka kompani Star Cement, kila shah thang ha ki paidbhur hapoh ka shnong Lumshnong, East Jaintia Hills hynne ka sngi U Blei.
Kane ka jingjia kala jia hadien ba uwei u briew ula iap hashen na ka jingshah rat ha ka trok jong ka kompani, ong ka khubor Pulit.
Ki paidbhur kila iamih paidbah bad iatur sha ka karkhana ka Star Cement bad kila thang ia saw tylli ki trok jong ka kompani.
Ki Pulit kila mareh pynsted sha katei ka karkhana ban tehlakam ia ki paidbhur.
