Shillong, Risaw 08: Saw ngut ki dkhot kawei ka Longiing, kila iap hashen na ka jingshah taplup ha ka khyndew kaba twa bad tap ia ka Iing jong ki ha West Jaintia Hills District.
Kane ka jingjia kala jia hynne ka step ha ka shnong Pynthor Langtein kaba jngai kumba 15 Km na Jowai. Kine kiba shah taplup ki dei u Kpa, ka Kmie bad arngut ki Khun.
Kine ki shi-ing ki dei kiba la tip kyrteng u Bah Diangki Phawa ba 31 snem, ka kurim kong Pynjanai Ryngkhlem ba 25 snem bad ki arngut ki Khun u heprit Edify Ryngkhlem ba 6 snem bad i heprit Wiladaroi Ryngkhlem ba 3 snem ka rta.
Ki Pulit ki pyntip ba ka jingther u slap ba khlem sangeh ha ka thain kala pynshong synjor ia kane ka khyndew kaba twa.
La antad ba kane ka jingjia kala jia hynne dang step phrngap katba kine ki shiing ki dang iohthiah lyngngai ha ka jingkynoi u slap.
Ia ka metiap jong kine ki briew la ioh ban sei bad la pynkit noh sha Hospital ban pyndep ia kaba donkam.
