Nongpoh, Īaīong 24: Ka synjuk ki nongsynshar Raid ka Elaka Nongpoh Sirdarship ha ka 24 tarik Iaiong 2023, ka la pynbna paidbah ba ka KHADC kala sospon ne wengkam shipor ia u Sirdar ka Elaka Bah Wanphrang Syiem Nongshai namar ka rukom treikam kiba bakla bad ba pynkhein ia ka riti treikam jong ka Elaka.
Haba pyntip ia kane ka khubor sha ki khun ki hajar kiba don hapoh ka jingkhmih ka Elaka, la pyntip ba ka KHADC kala thung mynta ia u Acting Sirdar ban pyniaid ia ki kam ki jam jong ka Elaka bad une u dei u Bah Pilarstone Syiem Nongshai.
Pule lang ia kane: Phah jingthoh ki pulit Assam sha u Srinivas BV ban wan mih ha ka 2 tarik Jymmang
Haba iakren bad ki nongthoh khubor, u Bah Jedwin Lyngdoh u ba dei u Lyngdoh Raid ka Raid Nongpoh u la iathuh ba ka jingwengkam shipor lane suspon ia u Bah Wanphrang Syiem Nongshai kum U Sirdar ka Elaka kadei hadien ba na ka liang ka synjuk ki nongsynshar raid ki la shem ia ki rukom trei kam kiba bakla jong u Bah Wanphrang kaba la long pyrshah lane pynkhein ia ka riti trei kam jong ka Elaka.
Ula pyntip ruh ba kila ju don ruh ki jing ujor na ki ba bun ki paidbah bad ki Nongialam Raid halor ka rukom trei kam ka jong u Bah Wanphrang kaba la iaid lait na ki kyndon ki ain jong ka riti synshar khadar jong Elaka.
U la ïathuh ruh, ba hadien katei ka jingshem ka jong ki, ki la leit ban buh noh daka jingthoh kaba long ka shithi ujor sha ki bor ka Khasi Hills Autonomous District Council ban leh eiei halor kane ka kam na ka bynta ka bha ka miat bad ka jingiaid beit iaid ryntih ha ka kam synshar khadar haka Elaka Nongpoh Sirdarship.
Ka District Council ka la leh ia kaba don kam da kaba kala pynsangeh noh shipor na ka kam kum u Sirdar ka Elaka Nongpoh Sirdarship ia u Bah Wanphrang Syiem Nongshai.
Pule lang ia kane: Pyrshah ki ADC ban pynrung ia ka kyntien ‘Unrepresented Tribe’ bad ‘Village Council’ ha ka Sixth Schedule
