Dibrugarh, Risaw 24: Ki bor pahara kila ioh ban kem ia saw ngut ki briew bad la ioh ruh ban kurup ia bun bah ki dawai dashin lem bad kiwei de ki marbam nalor kiwei pat ki mat hajan ka khappud Myanmar hadien ba la pynlong ia ka operation ha Nampong, Changlang district jong ka Arunachal Pradesh.
Kine kiba la shah kem la tip kyrteng kum u Jitu Moran ba ju khot sin kum u Moina (50) snem, ka Julie Gogoi (38) snem, u Dipak Gogoi (52) snem, bad u Yanshay Sokrang.
Katkum ki Pulit, ka Julie Gogoi kala buh ia kane ka dukan die marbam ha ka shnong Nampong naduh u snem 2001.
La pynlong ia kane ka operation, hadien ba la ioh ia ka jingtip ba tikna ba u dkhot ka ULFA (I) u SS Major General u Arunodoi Dohutia u la dawa dawai dashin bad kiwei de ki mar na ki paidbah nong shong shnong ka Tinsukia ha Assam.
“Ngi la kem ruh ia saw ngut ki nong Myanmar namar ba la kynnoh ba ki kit mar sha ki ktem jong ka ULFA sha shiliang khappud”, la ong uwei u heh ophisar.U la bynrap, “Ngi la kurup ïa ka jaka buh dawai dashin bad kiwei kiwei ki tiar ba donkam.”
Ha ka miet jong ka sngi Ba-ar, ki bor pahara ki la siat iap ia uwei u lehnoh ULFA (I) ha ka jingiather kuli mar kylliang kaba jur bha bad ki shipai jong ka Assam Rifles ha Namsai, Arunachal Pradesh.
Kane ka jingiasiat ka la jia ha ka thain 6 Mile kaba hap hapoh jong ka Namsai police station kaba hap ha ka Namsai District.
“Ki shipai Assam Rifles ka la ioh jingtip ha kaba ia dei bad ka jingdon jong ki 6 ne 7 ngut ki dkhot ka ULFA (I) ha ka thain 6 Mile Lekang Khampti, da kaba bud ryntih katkum ka jingtip ba la ioh pdiang kila pynlong ia ka jingkhynra ne operation, ha kane ka jingkhynra la ioh ban pyniap ia uwei u lehnoh ULFA (I)” ong uwei u heh pulit.
