Shah pynliem ka Meghalaya ha ki lympung T20, pynkut u slap ia ka U-19 ki shynrang

Date:

Share post:

Shillong, Risaw 14 : Ka kynhun ialehkai cricket jong ki kynthei bad shynrang ka Meghalaya kila shah pynrem ha ki lympung ialehkai T20 jong ka Syed Mushtaq Ali Trophy bad ka Senior Women’s T20 Trophy ha ka jingialehkai ba long hynne ka sngi thohdieng. Katba ka jingialehkai one day jong ki shynrang ha ka U-19 Vinoo Mankad Trophy pyrshah ia ka Rajasthan kala shah pynthut noh ha u slap.

Ha ka jingiakhun T20 jong ki shynrang, ka Meghalaya kala jop ia ka jingkynting pisa bad jied ban tied nyngkong pyrshah ia ka Karnataka ha Mullanpur, Punjab hynrei kila lah ban buh ia ka thong ba tang 89 run bad hap 8 wicket.

U Lerry Sangma ula ioh ban kamai bun run duh na baroh bad une u rang ialehkai ula kamai 34 runs n aka 25 bol ba kynthup ia artylli ki saw bad ar tylli ki hynriew. U Yogesh Tiwari ula synniang 22 run bad u Raj Biswa 11 run.

Ka Karnataka kala pynliem ia ka Meghalaya da 9 wicket. Ka Meghalaya kan iakhun mynta sa ia ka Maharashtra ha ka Sngi U Blei.

Ha ka T20 ki Kynthei ha Bangalore, ia ka jingiakhun la pynialehkai tang 5 over shiliang. Ka Andhra Pradesh kala jop ia ka jingkynting pisa bad phah tied nyngkong ia ka Meghalaya.

Ka Meghalaya kala lah ban tied tang 21 run bad hap 4 wicket. Ka Andhra Pradesh haba beh ia ka thong, kala lah ban pyndep tang hapoh ka ar over khlem da hap wicket. Ka kynhun ialehkai ka Meghalaya kan iakhun pat mynta sa ia ka Odisha ha ka sngi U Blei.

Ha ka lympng Vinoo Mankad Trophy, u slap ula pynthut ia ka jingialehkai naduh shwa ban sdang ka jingiakhun kaba la pynslem ia ka jingialehkai hapdeng ka Meghalaya pyrshah ia ka Rajasthan kiba don ha ka Group C.

Ynda la sdang ka jingiakhun, ka Meghalaya kala jop ia ka jingkynting pisa bad jied ban apbol shwa. Ka Rajasthan kala lah ban kamai 87 run bad hap 4 wicket shuwa ba u sap un hap biang haduh ba la hap pynsangeh shisyndon ia ka jingiakhun.

Share post:

spot_img

Popular

More like this
Related

Pynbna ka NEHUSU da ka jingpynsangeh shong klas ba khlem pud ba wanrah Pulit ha Campus

Shillong, Iaiong 28 : Ka North Eastern Hill University...

Pan por ka Sorkar shibnai ban maramot ia ka jingkieng Mawlyndep

Shillong, Iaiong 28: U President ka Meghalaya Commercial Truck...

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...