Guwahati, June 12: Ki Pulit ka Assam ha ka Sngi U Blei kila ioh tam ia ka metiap jong ka Nongialam ka BJP ka Jonali Nath, kaba la shah bret hajan ka National Highway 17, Krishnai, kaba hap hapoh ka Goalpara District.
Ia kane ka metiap la lap ha Salpara, Assam bad ki Pulit ki suba jur ba kane ka Nongialam ka BJP kala shah pyniap hadien ka jingsuhbuit da ki riew bymman bad ia ka met la shu wan bret ha kane ka National Highway.
U Myntri Rangbah ka Assam Himanta Biswa Sarma hynne ka sngi Nyngkong, ula pynrem jur ia kane ka jingjia bad ula phah ia ka jingsngewlem halor ka jingkhlad noh kane ka Nongialam.
Ula bthah ruh ia ki Pulit ka Assam ba kin pynlong ia ka jingtohkit kaba bniah bad ban kem ia ki nongleh bymman nalor ban pynthikna ba ki dei ban ioh ia ka jingbishar kaba hok kham kloi kat kaba lah.
